Ntirho 36:9 - BIBELE Mahungu Lamanene

⁹ Xi va komba mintirho ya vona leyo biha, ni xidyoho xa ku tikurisa ka vona.

Xitsonga (Bibele)

⁹ Xi va hlavutela ku endla ka vona, Ni ku dyoha ka vona, hikuva va tikukumuxile;

Ntirho 36:9 Referans Kwoze

1 Vakorinto 11:32

kambe leswi hi avanyisiwaka hi Hosi, ho layiwa leswaku hi ta ka hi nga avanyiseriwi makumu swin'we ni vanhu va misava.

Ntirho 15:25

Hakunene, munhu wo tano u lwa ni Xikwembu, wa tikurisa emahlweni ka Xikwembu-xa-matimba-hinkwawo,

1 Timotiya 1:15

Rito leri ri tiyile, ri fanele ku amukeriwa hi mandla mambirhi, leri nge: “Kriste Yesu ú tile emisaveni ku ta ponisa vadyohi.” Kutani eka vadyohi lava, mina ndzi lowo rhanga hi ku biha.

Varhoma 5:20

Nawu wu nghenile leswaku milandzu yi andza; kambe laha ku dyoha ku andzeke kona, ndzalo ya tintswalo yi vile kona hi ku tlurisa;

Esaya 59:12

Milandzu ya hina yi tele ngopfu emahlweni ka wena, swidyoho swa hina, hi swona swi hi dlayisaka; mintirho ya hina leyo homboloka, ha yi tiva, hi tiva ni leswi hi dyoheke swona:

Pisalema 119:71

ku wela ekhombyeni swi ndzi pfunile, hikuva swi ndzi dyondzisile milawu ya wena.

Pisalema 119:67

Khale loko ndzi nga si wela ekhombyeni, a ndzi lahlekile ndlela, kambe sweswi ndzi endla leswi u ndzi byelaka swona.

Pisalema 94:12

Ku katekile munhu loyi a layiwaka hi wena, we HOSI, loyi u n'wi dyondzisaka Nawu wa wena.

Pisalema 5:10

We Xikwembu, va rhwexe milandzu ya vona, va tshike va lovisiwa hi makungu ya vona; va hlongole va suka emahlweni ka wena hikwalaho ka swidyoho swa vona leswo tala, hikuva va ku hundzukerile.

Ntirho 10:2

Wena Xikwembu, ndzi ri, u nga ndzi veki nandzu, kambe ndzi kombe leswi ndzi ku dyoheleke swona.

Tinhlayo 3:49

Muxe a hlengeleta mali ya ku kutsula lava ku pfumalekeke Valevhi vo va kutsula,