Ntirho 36:4 - BIBELE Mahungu Lamanene

⁴ Hakunene, ndzi vula ntiyiso ntsena; loyi vutivi bya yena byi heleleke, ú kwala mahlweni ka wena!

Xitsonga (Bibele)

⁴ Hikuva kunene marito ya mina a hi ya ku hemba; Emahlweni ka wena, ku yima la hetisekeke eku tiveni.

Ntirho 36:4 Referans Kwoze

Ntirho 37:16

Xana wa xi twisisa loko xi ma hayeka empfhukeni, hi vutivi lebyo hetiseka byo hlamarisa xana?

1 Vakorinto 14:20

Vamakwerhu, mi nga fani ni vana eku ehleketeni ka n'wina. Loko ku ri ka leswo biha mi fanele ku fana ni swihlangi, kambe mi va lava kuleke emiehleketweni.

Vakolosa 4:12

Epafra, loyi a nga un'wana wa n'wina, nandza wa Kriste Yesu, wa mi rungula; wa mi anakanya swinene masiku hinkwawo emikhongelweni ya yena, a kombela leswaku mi va lava hetisekeke ni lava tiyeke, eku endleni ka hinkwaswo leswi Xikwembu xi swi rhandzaka.

2 Vakorinto 2:17

Hikuva a hi fani ni lavo tala, lava endlaka bindzu lero biha hi Rito ra Xikwembu; kambe hi vulavula kukotisa vanhu va timbilu leto tenga, kukota lava rhumiweke hi Xikwembu; hi vulavula emahlweni ka Xikwembu hi ri va ka Kriste.

Timhaka 24:22

Leswi Felikisi a a tiva leswo talanyana hi tlhelo ra Ndlela ya Hosi, a pfala huvo, a ku: “Loko Lisiya, ndhuna ya nyimpi, a ta va a rhelerile a fika haleno, hi kona ndzi nga ta kambisisa mhaka ya n'wina.”

Luka 1:3

hikwalaho ke na mina ndzi kambisisile timhaka leti hinkwato ku sukela emasungulweni ya tona, kutani ndzi vonile leswaku swi nga saseka loko ndzi ku longoloxela tona hi ku tsala, wena Teyofilo la chavisekaka,

Pisalema 49:3

Ndzi lava ku vulavula marito ya vutlhari, ndzi anakanya leswi twalaka embilwini ya mina.

Ntirho 33:3

Ndzi ta ku byela leswi ndzi swi tivaka, hi mbilu yo basa ni nomo wo tenga,

Ntirho 21:34

Marito ya n'wina yo vevuka ma nge ndzi chaveleri, leswi mi ndzi hlamurisaka swona i vuxisi ntsena.”

Ntirho 21:27

“Ndzi tiva miehleketo ya n'wina, makungu ya n'wina i ku ndzi lumbeta,

Ntirho 13:7

Xana mi nga tirhela Xikwembu hi mavunwa xana? Mi nga xisa vanhu hi vito ra xona ke?

Ntirho 13:4

N'wina mo tlhandleka mavunwa ehenhla ka mavunwa, vun'anga bya n'wina hinkwenu i bya hava.

Ntirho 6:28

“Kambe sweswi, ringetani ku kamba timhaka ta mina, hikuva a ndzi nga mi hembeli.