Ntirho 36:3 - BIBELE Mahungu Lamanene

³ Vutivi bya mina byi huma kule, byi tiyisa ku lulama ka Muendli wa hina.

Xitsonga (Bibele)

³ Ndzi ta landza ku tiva ka mina ekule, Ndzi ta veka La lulameke emuvumbi wa mina.

Ntirho 36:3 Referans Kwoze

Yakobo 3:17

Kambe vutlhari byo ta hi le henhla, byi ni ku rhula, ni ku olova, ni ku yingisela, byi tele musa ni mihandzu leyinene; kambe ngopfu-ngopfu byi tengile; a byi yi hi nghohe, kumbe ku kanganyisa.

Yakobo 1:17

Nyiko yin'wana ni yin'wana leyo saseka ni minkateko hinkwayo leyi hetisekeke, swi ta hi le henhla, swi xika hi le ka Muvumbi wa leswi voningaka, loyi ku nga hava ku hundzuka-hundzuka eka yena, kumbe ku fularhela munhu a sala exinyamini.

Nhlavutelo 15:3

va yimbelela risimu ra Muxe nandza wa Xikwembu, ni risimu ra Xinyimpfana, va ku: “We Hosi, Xikwembu xa matimba hinkwawo, a hi ku kula ni ku hlamarisa ka mintirho ya wena; we Mufumi wa matiko hinkwawo, a hi ku lulama ni ku tshembeka ka tindlela ta wena!

Daniele 9:14

Hikokwalaho, we HOSI, u tilulamisele ku hi vangela maxangu lawa, kutani ma hi fikele. Wena HOSI Xikwembu xa hina, minkarhi hinkwayo u endla leswi lulameke ntsena kambe hina a hi yingisi rito ra wena.

Daniele 9:7

We N'wini wa hina, u Xikwembu xo lulama, kambe hina hi tivangele tingana letikulu namuntlha, ndzi vula hina hinkwerhu: Vanhu va le Yuda, ni lava akeke eYerusalema, ni Vaisraele hinkwavo, lava nga kusuhi ni lava nga kule, ematikweni hinkwawo lawa u va hangalaseleke eka wona, hikuva va lwile na wena, va nga ha tshembeki.

Pisalema 145:17

Tindlela ta HOSI Xikwembu hi leto lulama hinkwato, rirhandzu ra xona ra vonaka emintirhweni ya xona hinkwayo.

Pisalema 11:7

Kambe HOSI yi rhandza mintirho leyo lulama, hikuva yona yi lulamile; lava tengeke va ta vona mombo wa yona.

Ntirho 32:8

Kasi leswi nyikaka ku twisisa, hi loko munhu a huhuteriwa moya hi Lowa-matimba-hinkwawo.

Ntirho 8:3

Xana Xikwembu-xa-matimba-hinkwawo xi tshama xi tlula nawu, xi tshika ni ku endla leswi lulameke xana?

Duteronoma 32:4

“Hi xona Ribye leri tiyeke; mintirho ya xona yi hetisekile, tindlela ta xona hinkwato ti lulamile, i Xikwembu xo tshembeka, a xi dyoheli munhu, xi lulamile, xi hava xisandzu.

Yakobo 1:5

Loko un'wana wa n'wina a pfumala vutlhari, a a kombele eka Xikwembu, lexi nyikaka vanhu hinkwavo hi tintswalo, ku nga ri na ku vilela, kutani ú ta nyikiwa byona.

Varhoma 9:14

Loko swi ri tano, xana hi ta ku yini? Xana Xikwembu xi tirha hi ku homboloka xana? Niswitsanana!

Matewu 12:42

Hi siku ra ku avanyisiwa, hosi ya wansati ya le dzongeni yi ta pfuka eku feni swin'we ni rixaka leri, yi ri avanyisa, hikuva yi sukile emakun'wini ya misava ku ta yingisa vutlhari bya Solomoni, kutani maswivo, leswi nga kwala i swikulu ku tlula Solomoni.

Yeremiya 12:1

We HOSI, u Xikwembu xo lulama, ndzi nge kanetani na wena, hambiswiritano ndzi ni timhaka leti ndzi lavaka ku ku vutisa tona: Hikwalaho ka yini lavo homboloka va kateka emintirhweni ya vona, vakanganyisi va hanyela yini emafurheni xana?

Ntirho 37:23

Xi ni matimba hinkwawo, hi nge tshineli kusuhi na xona; xi fuma hi ntamu ni ku lulama, xi tele ku tshembeka, xi nge xanisi munhu.

Ntirho 34:5

Yobo ú vulavurile a ku: ‘Ndzi munhu wo lulama, kambe Xikwembu xi ala ku ndzi lwela.

Ntirho 32:2

Mhaka leyi yi hlundzukisa munhu loyi va nge i Elihu, n'wana Barakele wa le Buzi, wa ndyangu wa ka Rhamu. Elihu a a hlundzukela Yobo hileswi a a tivula la nga dyohangiki, a veka Xikwembu enandzu.

Ntirho 4:17

‘Xana munhu a nga tivula la tengeke, la nga riki na xidyoho, emahlweni ka Xikwembu Muendli wa yena ke?

Ntirho 36:2

“We Yobo, ndzi lehisele mbilu, ndza ha lava ku hlamusela maendlele ya Xikwembu.