Ntirho 36:26 - BIBELE Mahungu Lamanene

²⁶ “Xikwembu i xikulu ngopfu, hi nge xi twisisi; vukhale bya xona a byi pimeki.

Xitsonga (Bibele)

²⁶ Xikwembu i xikulu, kambe hi nga ka hi nga tivisisi vukulu bya xona; Ntsengo wa malembe ya xona a wu hlayiwi.

Ntirho 36:26 Referans Kwoze

Pisalema 90:2

Loko tintshava ti nga si va kona, ni loko u nga si tumbuluxa misava ni leswi nga ka yona, u vile Xikwembu, naswona wa ha ta va xona hilaha ku nga heriki.

Pisalema 145:3

HOSI i Xikwembu lexikulu, xi dzuneka ngopfu; vukulu bya xona hi lebyi nga pimekiki.

1 Vakorinto 13:12

Sweswi hi vona hi riphume exivonini; kambe enkarhini wolowo, hi ta langutana hi mahlo; sweswi vutivi bya mina a byi hetisekanga, kambe enkarhini wolowo ndzi ta tiva hi ku hetiseka, tanihi leswi Xikwembu na xona xi ndzi tiveke hi ku hetiseka.

Ntirho 37:23

Xi ni matimba hinkwawo, hi nge tshineli kusuhi na xona; xi fuma hi ntamu ni ku lulama, xi tele ku tshembeka, xi nge xanisi munhu.

Ntirho 37:5

Ku dzindza ka kona ka hlamarisa: Mintirho ya Xikwembu i yikulu, a yi twisiseki.

1 TIHOSI 8:27

“Kambe xana wena Xikwembu u nga tshama emisaveni hakunene ke? Leswi matilo ya matilo ma nga ku eneriki, Tempele leyi ndzi yi akeke, yi nga ku enerisa ku yini xana?

Ntirho 26:14

Leswi i masungulo ntsena ya mintirho ya Xikwembu, ho hleveriwa swona etindleveni! Kambe loko matimba ya xona ma dzindza, ku nga twisisa mani xana?”

Vaheveru 1:12

u ta swi petsa ku fana ni xifunengelo, kutani swi ta hundzuka swi va swin'wana; kambe wena wa ha ri leswi u nga swona, ni malembe ya wena a ma nga heli.”

2 Petro 3:8

Kambe mi nga rivali mhaka yin'we leyi, varhandziwa: Emahlweni ka Hosi, siku rin'we ri kotisa malembe ya 1 000, ni malembe ya 1 000 ma kotisa siku rin'we.

Ntirho 10:5

Xana nkarhi wa wena wa ku hanya wu lo koma, wu fana ni masiku kumbe malembe ya munhu xana?

Ntirho 36:25

leyi va yi voneke hi mahlo ya vona, va yi languteke hi le kule.

Ntirho 36:27

Hi xona xi hlengeletaka mathonsi ya mati, xi tisa hunguva, xi lunghisa mpfula,