Ntirho 36:21 - BIBELE Mahungu Lamanene

²¹ Tivonele, u nga tlheleli eka leswo biha, hikuva u swi tsakela ku tlula eku titsongahata.”

Xitsonga (Bibele)

²¹ Tilangutele, u chava ku tinyiketa leswo biha, Hikuva u swi hlawurile ku tlula mahlomulo.

Ntirho 36:21 Referans Kwoze

Vaheveru 11:25

Ematshan'wini ya sweswo, ú tihlawulele ku xaniseka swin'we ni vanhu va Xikwembu, ku ri na ku titsakisa nkarhinyana hi ku hanya eku dyoheni.

Pisalema 66:18

N'wini wa hinkwaswo a a nga ta ndzi yingisa, loko a ndzi lo va ni makungu yo endla leswo biha.

1 Petro 3:17

Hikuva swa antswa ku twa ku vaviseka hi mhaka ya ku endla leswo lulama, loko sweswo swi ri leswi Xikwembu xi swi rhandzaka, ku ri na ku twa ku vaviseka hi mhaka ya ku endla leswi nga lulamangiki.

Matewu 16:24

Yesu a engeta a ku ka vadyondzisiwa va yena: “Loko munhu a lava ku ndzi landza, a a titshike, a tirhwexa xihambano xa yena, kutani a ndzi landza,

Matewu 13:21

kambe a nga na timitsu endzeni ka yena, ú tiyisela nkarhinyana ntsena; kutani loko khombo kumbe ku xaniseka swi humelela hikwalaho ka Rito, a hatla a khunguvanyeka.

Daniele 6:10

Kambe loko Daniele a twa leswaku nawu wolowo wu funghiwile, a muka a ya nghena endlwini ya yena ya le henhla, leyi mafasitere ya yona a ma pfulekele etlhelo ra le Yerusalema; kutani a nkhinsama a khongela, a tlangela Xikwembu xa yena kanharhu hi siku, kukota leswi a a endlisa swona eminkarhini leyi hundzeke.

Ezekiele 14:4

Hikokwalaho vulavula na vona, u va byela leswaku mina HOSI N'wini wa hinkwaswo ndzi vurisa sweswo ndzi ri: Muisraele un'wana ni un'wana la tshamelaka ku anakanya swikwembu swa yena swa hava, ni ku tshemba ngopfu swilo leswi swi n'wi yisaka eku dyoheni, kutani a ta eka muprofeta a ta vutisa ku rhandza ka mina, ndzi ta n'wi hlamula mina HOSI emhakeni ya swikwembu swa yena swa hava leswo tala;

Ntirho 35:3

U vutisela yini u ku: ‘Ndzi ta vuyeriwa ha yini, ndzi ta kuma yini loko ndzi nga dyohi xana?’

Ntirho 36:8

xi va tshika va bohiwa hi tinketani, va wela emapindzini ni le makhombyeni.

Ntirho 36:10

Xi va pfula tindleve, xi va tsundzuxa, xi va lerisa ku hundzuka va tshika vudyoho.

Ntirho 36:15

Loko va ri vaxaniseki, Xikwembu xi tirhisa maxangu ku va ntshunxa, xi va hlamula hi mahlomulo.

Pisalema 31:6

Vanhu lava namarhelaka swikwembu swa hava, a ndzi twanani na vona. We HOSI, hi wena ntsena ndzi ku tshembaka.

Ntirho 7:11

“E-e, a ndza ha koti ku miyela, mbilu ya mina ya vava, ndzi vaviseka emoyeni, hikokwalaho ndzi ta vulavula, ndzi phofula.