Ntirho 34:28 - BIBELE Mahungu Lamanene

²⁸ Swisiwana leswi va swi xaniseke swi huwelerile, Xikwembu xi twile xirilo xa lava tsongahatiweke.

Xitsonga (Bibele)

²⁸ Va tlhandlukisile eka xona mihuwelelo ya swisiwana; Xi twile mikosi ya vanhlomulo.

Ntirho 34:28 Referans Kwoze

Yakobo 5:4

Vonani, hakelo ya vatirhi lava tshoveleke masimu ya n'wina, leyi mi nga va dyelela hi vuxisi, ya huwelela; naswona swirilo swa vatshoveri swi fikile etindleveni ta Hosi ya matimba hinkwawo.

Ntirho 35:9

“Lava xanisekaka ngopfu, va huwelela, va rila loko vafumi va va tshikelela.

Eksoda 3:7

Kutani HOSI yi ku: “Ndzi vonile hilaha vanhu va mina lava nga tikweni ra Egipta va xanisiwaka hakona; ndzi twile ni swirilo swa vona hikwalaho ka vafambisi va mintirho, ndzi twisisa ku xaniseka loku va nga na kona.

Pisalema 12:5

HOSI yi ri: “Sweswi ndzi ta suka ndzi yima, hikuva swisiwana swi tekeriwa swilo swa swona, ni vapfumari va le ku konyeni. Vanhu lava nyefuriwaka, ndzi ta va nghenisa eku hlayisekeni.”

Eksoda 3:9

Kutani sweswi, leswi ku rila ka vanhu va Israele ku fikeke etindleveni ta mina, ni leswi ndzi voneke hilaha vanhu va Egipta va va xanisaka hakona,

Esaya 5:7

Vaisraele hi vona nsimu ya vhinya ya HOSI ya matimba hinkwawo; swimila swa yona leswi tsakisaka i vanhu va Yuda; HOSI Xikwembu a xi langutele ku lulama, kambe ku vonaka ku dlayana ntsena, a xi langutele leswinene, kambe ko twala swirilo ntsena!

Ntirho 24:12

Emitini ya vona, lava dlawaka va cema, lava tlhaviwaka va kombela ku pfuniwa, kambe Xikwembu a xi na mhaka ni maxangu lawa.”

Duteronoma 15:9

Tivoneleni! Mi nga tshuki mi nghena hi moya wo biha, mi ku: ‘Lembe ra vu-7 ra ku tshika ku londzana swikweleti, ri le kusuhi’, kutani mi sungula ku va ni tihanyi eka makwenu loyi a nga xisiwana; loko mi nga n'wi nyiki nchumu, ú ta mi mangalela eka HOSI Xikwembu, kutani n'wina mi ta va ni nandzu.

Ntirho 5:15

I Xikwembu lexi ponisaka vapfumari, xi sirhelela lava lumbetiwaka hi swifumi.

Ntirho 8:6

Loko hakunene u ri munhu wo lulama la tshembekaka, xi nge hlweli ku tikomba, xi ku lwela, xi ku tlherisela exiyin'weni xa wena xa khale;

Ntirho 22:27

U ta xi khongela, kutani xi ta ku twa; u ta xi humesela leswi u tiboheke ku xi nyika swona.

Ntirho 33:26

Ú ta huwelela eka Xikwembu; xona xi ta n'wi tsakela, xi tikomba eka yena esikwini ra ntsako, a tlhela a va wo lulama eka xona.

Ntirho 34:29

“Loko Xikwembu xi hlawula ku miyela, i mani la nga xi vekaka nandzu hi mhaka ya swona ke; ni loko xi tifihla, xi nga sindzisiwa hi mani ku vonaka ke? Ehenhla ka tiko ro karhi ni vanhu va rona,

Swirilo 3:56

U twile xikombelo xa mina loko ndzi te: ‘U nga ali ku twa ku konya ka mina, loko ndzi kombela ku pfuniwa.’

Eksoda 22:22

Mi nga tshuki mi xanisa noni kumbe n'wana loyi a nga feriwa hi vatswari.

Pisalema 5:3

Nimixo, wa ri twa rito ra mina, we HOSI; loko dyambu ri xa, ndzi ku vekela magandzelo hi ndlela ya kona, kutani ndzi langutela ...