Ntirho 34:27 - BIBELE Mahungu Lamanene

²⁷ hikuva va xi fularhele, va hambuka etindleleni ta xona hinkwato.

Xitsonga (Bibele)

²⁷ Hikuva va xi fularhele; A va xiyangi tindlela hinkwato ta xona.

Ntirho 34:27 Referans Kwoze

1 SAMIELE 15:11

“Ndza tilaya loko ndzi vekile Sawulo a va hosi, hikuva ú tshikile ku ndzi landza, a nga endlanga ku lerisa ka mina.” Samiele a tlhaveka ngopfu, a rila emahlweni ka HOSI Xikwembu vusiku hinkwabyo.

Esaya 5:12

Eminkhubyeni ya vona va nwa vhinyo va ri karhi va chaya switende hi tiharipa ni swingomana ni tinanga; kambe mintirho ya HOSI Xikwembu a va na mhaka na yona, ni leswi xi swi endleke, a va swi voni.

Pisalema 28:5

Vanhu lava, u ta va ba va wela hansi va nga ha pfuki, hikuva a va na mhaka ni leswi u swi endlaka we HOSI, kumbe leswi u swi vumbeke hi mavoko ya wena.

Vaheveru 10:39

Kutani hina a hi va ntlawa wa lava tlhelelaka endzhaku va ya eku loveni, kambe hi va ntlawa wa lava nga ni ku pfumela, leswaku hi hlayisa mimoya ya hina.

2 Timotiya 4:10

Hikuva Demasi, hi ku rhandza ngopfu swa misava leyi, ú ndzi balekerile a ya eTesalonika. Kreskene ú yile eGalatiya, na Tito ú yile eDalamatiya.

Timhaka 15:38

Kambe Pawulo a vona leswaku swi ta va swi hoxekile loko va famba na munhu loyi, hikuva a a hambene na vona ePamfiliya, a nga yanga na vona entirhweni.

Sofoniya 1:6

Ndzi ta ba lava va ndzi fularhelaka mina HOSI, vona lava va nga ndzi laviki, lava nga rhandziki ku vutisa nchumu eka mina.”

Esaya 1:3

Homu yi tiva n'wini wa yona, ni mbhongolo yi tiva lomu mufuwi wa yona a yi phamelaka kona; kasi Vaisraele, vona vanhu va mina, a va ndzi tivi, no twisisa a va twisisi.”

Pisalema 125:5

Kambe lava fambaka hi tindlela leto homboloka, va hlongole we HOSI swin'we ni lava endlaka leswo biha. Ku rhula a ku ve na Vaisraele!

Pisalema 107:43

Munhu wo tlhariha a a xiyaxiye timhaka leti, kutani ú ta twisisa leswaku HOSI Xikwembu xi ni rirhandzu!

Ntirho 21:14

Va tala ku vula va ku: ‘We Xikwembu, suka la ka hina, a hi lavi ku tiva nchumu hi tindlela ta wena.

2 TIKRONIKA 28:6

Hi siku rin'we, vanhu va Peka n'wana Remaliya va dlaya masocha ya ka Yuda yo ringana 120 000, hambileswi a ma ri tinhenha hinkwawo. Khombo rero, va ka Yuda va lo tivangela hi ku tshika HOSI, Xikwembu xa vatata wa vona.

Swivuriso 15:10

Loyi a tshikaka mikhuva leyinene, ú ta biwa swinene, ni loyi a alaka ku tshinyiwa, ú ta fa.

Esaya 1:28

Loko va ri vadyohi ni lava fularheleke Xikwembu, vona va ta dlayiwa swin'we; lava tshikaka HOSI Xikwembu, va ta heriseriwa makumu.

Yeremiya 2:17

N'wina Vaisraele, makhombo lawa mi lo tivangela; mi tshikile HOSI Xikwembu xa n'wina, enkarhini lowu a xi mi komba ndlela.