Ntirho 34:26 - BIBELE Mahungu Lamanene

²⁶ xi va makala hi mpama kukota vadyohi, vanhu hinkwavo va ri karhi va swi vona,

Xitsonga (Bibele)

²⁶ xi va ba kukota swidyohi, Emahlweni ka vanhu hinkwavo,

Ntirho 34:26 Referans Kwoze

Nhlavutelo 18:20

Tsaka hi mhaka ya wona, wena tilo; na n'wina vahlawuriwa va Xikwembu, ni vaapostola, ni vaprofeta, tsakani, hikuva Xikwembu xi wu avanyisile, xi mi rihisetela.”

1 Timotiya 5:24

Swidyoho swa vanhu van'wana swi le rivaleni, swi va yisa eku avanyisiweni, kambe swidyoho swa van'wana swi vonaka endzhaku ka nkarhi ntsena.

1 Timotiya 5:20

Loko ku ri ni vakulukumba lava va phikelelaka ku dyoha, va tshinye erivaleni, leswaku lavan'wana va ta chava.

Esaya 66:24

“Va ta huma va ya vona mintsumbu ya vanhu lava va ndzi hundzukeleke. Swivungu leswi swi yi dyaka a swi nga fi, hambi wu ri ndzilo lowu wu nga ta yi hisa a wu nga timeki, kutani mintsumbu leyi yi ta hlambisa timbilu ta vanhu hinkwavo.”

Duteronoma 21:21

Kutani vanhu hinkwavo va muti va ta n'wi khandla hi maribye a fa. Hi ndlela leyi, mi ta susa vubihi exikarhi ka n'wina, kutani loko Vaisraele hinkwavo va swi twa, va ta hamba va chava.

Eksoda 14:30

Hi siku rero, HOSI Xikwembu xi ponisisa sweswo Vaisraele emavokweni ya Vaegipta, kutani Vaisraele va vona mintsumbu ya Vaegipta eribuweni ra lwandle.

Ntirho 36:6

Lavo homboloka, a xi va tshiki va hanya, xi lwela lava xanisiwaka,

Ntirho 38:13

Byi voninga misava ku ya fika evugimamusi, byi hlongola vadyohi, va nga ha tumbeli.

Pisalema 9:5

U tshinyile matiko, u lovisa lavo homboloka, mavito ya vona u ma herisela makumu.

Pisalema 11:5

HOSI yi kambela lavo lulama ni lavo homboloka; lava tsakelaka mintirho ya tihanyi yi va nyenya ngopfu.

Esaya 1:28

Loko va ri vadyohi ni lava fularheleke Xikwembu, vona va ta dlayiwa swin'we; lava tshikaka HOSI Xikwembu, va ta heriseriwa makumu.

Ezekiele 16:41

Va ta hisa tindlu ta wena, va ku avanyisa emahlweni ka vavasati lavo tala. Vunghwavava bya wena ndzi ta byi herisa, ndzi herisa ni tinyiko leti u xavaka swigangu swa wena ha tona.