Ntirho 34:22 - BIBELE Mahungu Lamanene

²² Ku hava munyama, hambi wu ri wo chavisa, lowu vadyohi va nga tumbelaka eka wona.

Xitsonga (Bibele)

²² A ku na munyama, a ku na mindzhuti ya rifu, Laha vadyohi va nga tumbelaka kona.

Ntirho 34:22 Referans Kwoze

Vaheveru 4:13

Emahlweni ka Xikwembu, ku hava ni xivumbiwa ni xin'we lexi tumbeleke. Hinkwaswo swi lo tlàngàndlà, erivaleni, emahlweni ka Loyi hi fanelaka ku tihlamulela eka yena.

Swivuriso 10:29

HOSI Xikwembu i khokholo ra munhu la tshembekeke, kambe xi herisa lava dyohaka.

Yeremiya 23:24

Ku hava ndhawu leyi munhu a nga tumbelaka eka yona leswaku ndzi nga n'wi voni, hikuva hinkwako ematilweni ni la misaveni, ndzi kona. Ndzi vula sweswo mina HOSI.

Ntirho 3:5

Siku ra kona a ri funengetiwe hi xinyami xo khwìxìì, ri khubumetiwa hi papa ra ntima, vanhu va ri chava, va gugurhuteka.

1 Vakorinto 4:5

Hikokwalaho mi nga avanyiseli nchumu makumu, nkarhi wu nga si fika. Yimelani Hosi yi ko yi vuya; hi yona leyi nga ta humesela erivaleni swilo swa munyama leswi fihliweke, ni ku paluxa makungu ya timbilu ta vanhu; kutani hi kona un'wana ni un'wana a nga ta kuma ku dzunisiwa ka yena loku humaka eka Xikwembu.

Luka 13:27

Yena ú ta engeta a mi hlamula a ku: ‘A ndzi tivi leswaku mi huma kwihi; sukani eka mina, n'wina hinkwenu lava endlaka leswi nga lulamangiki.’

Matewu 7:23

Enkarhini wolowo ndzi ta va byela erivaleni, ndzi ku: A ndzi mi tivanga, ni siku ni rin'we; sukani eka mina, n'wina lava endlaka leswo homboloka!

Esaya 29:15

Va ni khombo lava tumbetaka makungu ya vona, va tumbetela HOSI Xikwembu, va nga vanhu lava endlaka swilo swa vona emunyameni, va ku: “Xana ú kona loyi a hi vonaka? I mani la tivaka lomu hi nga kona xana?”

Esaya 9:2

Vanhu lava a va gugurhuteka emunyameni, sweswi va vona ku vonakala lokukulu; lava a va tshama exinyamini lexo chavisa va fikeriwe hi ku vonakala.

Pisalema 5:5

Lava tikurisaka a va amukeriwi emahlweni ka wena, vaendlaswivi hinkwavo wa va wenga.

Ntirho 31:3

Xana ku herisiwa a hi ka lavo homboloka xana? Makhombo, a hi ya lava endlaka leswo biha ke?

Ntirho 24:17

Munyama wo chavisa, hinkwavo va wu vula ‘nhlekanhi’, exinyamini xo khwìxìì va titwa va tshamisekile.

Ntirho 3:13

Loko a ndzi lo fa, ingi ndzi wisile, a ndzi ta va ndzi etlele, ndzi hambana ni maxangu,

Ntirho 10:21

ndzi nga si rhelela ndzi ya exivandleni xa vafi, laha ndzi nga ta ka ndzi nga ha vuyi, ndzi nga si nghena etikweni ra xinyami xo chavisa,

Ntirho 11:20

Kambe mahlo ya lavo homboloka a ma nga ha voni, ni ndlela yo baleka ha yona a va nga ha yi tivi; va to langutela ntsena siku ra vona ra ku fa!”

Ntirho 38:17

Xana u kombiwile tinyangwa ta xivandla xa vafi xana? Ndhawu ya xinyami xo chavisa u yi vonile ke?

2 SAMIELE 12:12

U endlile xidyoho lexi exihundleni, kambe mina, mhaka leyi ndzi yi vulaka, ndzi ta yi endla erivaleni, emahlweni ka Vaisraele hinkwavo!’ ”

Ntirho 10:14

Loko ndzi dyoha, u hatla u swi vona, u ala ni ku ndzi rivalela.

Ntirho 12:22

Xi paluxa leswi nga ndzeni ka swidziva leswikulu, laha a ku ri ni xinyami xo chavisa, xi tisa ku vonakala.

Ntirho 22:13

Kambe wena u ri: ‘Xikwembu xi nga tiva yini, xana xi nga tsemakanya mapapa ya ntima xi tela ku avanyisa vanhu xana?’

Yeremiya 16:17

Hinkwaswo leswi Vaisraele va swi endlaka ndza swi vona, ku hava lexi va nga ndzi tumbetelaka xona, ni swidyoho swa vona swi le rivaleni emahlweni ka mina.