Ntirho 34:11 - BIBELE Mahungu Lamanene

¹¹ Loko Xikwembu xi ba munhu, xi n'wi bela mintirho ya yena, xi n'wi avela leswi a nga lo tilavela hi swiendlo swakwe.

Xitsonga (Bibele)

¹¹ Hikuva u tlherisela eka munhu leswi ringanaka mitirho ya yena. U n'wi nyika ku ringana mikhuva ya yena.

Ntirho 34:11 Referans Kwoze

2 Vakorinto 5:10

Hikuva hinkwerhu hi ta fanela ku yima emahlweni ka xitshamu xa ku avanyisa xa Kriste, leswaku un'wana ni un'wana a ta amukela hakelo ya leswi a swi endleke loko a ha ri emirini, leswo saseka kumbe leswo biha.

Nhlavutelo 22:12

Yesu ú ri: “Vonani, ndza ta sweswi-sweswi, ndzi ta ni hakelo ya mina, ku ta hakela un'wana ni un'wana hi ku ya hi leswi a swi endleke.

Varhoma 2:6

Hikuva xona xi rihisela un'wana ni un'wana hi ku ya hi mintirho ya yena:

Matewu 16:27

Hikuva N'wana-wa-Munhu ú ta vuya hi ku kwetsima ka Tata wa yena, a ri ni tintsumi ta yena, kutani hi kona a nga ta nyika un'wana ni un'wana hi ku ya hi mintirho ya yena.

Yeremiya 32:19

u mutsundzuxi lonkulu la tirhaka leswo hlamarisa; mahlo ya wena ma vona ni swihundla hinkwaswo swa vanhu. Munhu un'wana ni un'wana, u n'wi hakela hi ku ya hi mintirho ya yena; hinkwavo va tshovela leswi va swi byaleke.

Pisalema 62:12

We N'wini wa hina, hina hi ri, na rona rirhandzu u na rona; munhu un'wana ni un'wana u n'wi tlherisela leswi ringaneke mintirho ya yena.

1 Petro 1:17

Loko mi khongela, ma n'wi vula “Tatana”, yena loyi a avanyisaka munhu un'wana ni un'wana, a nga yi hi nghohe kambe hi mintirho ya munhu; hikokwalaho, hanyani hi xichavo, enkarhini hinkwawo wa ku xwa ka n'wina laha misaveni.

Swivuriso 24:12

Loko u ku: “Leswi, hina a hi nga swi tivi!” xana Loyi a vonaka swa le mbilwini, a nge swi kumi leswaku wa hemba xana? Loyi a hlayisaka vutomi bya wena, ú ta swi tiva, kutani ú ta avanyisa un'wana ni un'wana hi ku ya hi mintirho ya yena.

Swivuriso 1:31

hikokwalaho, swiendlo swa vona swi ta va xanisa, mano ya vona ma ta va dlayisa.

Ntirho 33:26

Ú ta huwelela eka Xikwembu; xona xi ta n'wi tsakela, xi tikomba eka yena esikwini ra ntsako, a tlhela a va wo lulama eka xona.

Ntirho 34:25

Leswi xi voneke mintirho ya vona, xi va susa hi vusiku byin'we, va tshoveleleka;

Swivuriso 12:14

Munhu ú kuma hakelo leyinene ya marito ya yena, mintirho ya mavoko ya yena ya n'wi vuyerisa.

Esaya 59:18

Un'wana ni un'wana, xi ta n'wi ba hi nkhavi lowu ringanaka leswi a endleke swona; valala va xona, xi ta va karihela xi va ba, lava nga matikweni ya le kule, na vona va ta biwa.

1 SAMIELE 26:23

HOSI Xikwembu xi hakela munhu un'wana ni un'wana la lulameke, la tshembekeke! Namuntlha, a xi ku nyiketile emavokweni ya mina, kambe a ndzi swi lavanga ku tshambuluta voko ra mina, ndzi ku vavisa, wena muhlawuriwa wa xona.

Yeremiya 17:10

loko ku nga ri hi mina HOSI, hikuva ndzi kambisisa miehleketo, ndzi ringeta ni timbilu ta vanhu, kutani ndzi hakela un'wana ni un'wana hi ku ya hi mahanyelo ya yena ni leswi a swi endlaka.”

Ezekiele 18:13

loko a lombisa mali, ú lava ntswalo wa yona, a bindzula ha yona. Xana munhu wo tano a nga kuma ku hanya xana? E-e, a nge hanyi, ú ta fa hakunene, hikuva ú endlile swilo leswi hinkwaswo swa manyala; rifu ra yena, ú ta va a lo tivangela yena n'winyi.