Ntirho 33:30 - BIBELE Mahungu Lamanene

³⁰ Xi va tsavula exidziveni xa rifu, xi va hanyisa ni ku va voninga.

Xitsonga (Bibele)

³⁰ Ku tlherisa moya wa yena, wu nga ngheni esirheni, Leswaku a voningiwa hi ku vonakala ka vutomi.

Ntirho 33:30 Referans Kwoze

Pisalema 56:13

hikuva u ndzi ntshunxile ematimbeni ya rifu, a wu pfumelanga leswaku ndzi rheta ndzi wa, u ndzi fambisile emahlweni ka wena we Xikwembu, eku vonakaleni loku nyikaka vutomi.

Esaya 38:17

Ku xaniseka loku ndzi veke na kona ku ndzi pfunile swinene; hi wena u endleke leswaku vutomi bya mina byi nga ngheni ekheleni lera tihanyi; u ndzi rivalerile ni swidyoho swa mina hinkwaswo.

Ntirho 33:28

A ndzi rhelela ndzi ya esirheni, kambe xi ndzi kutsurile; ndza ha ta hanya ndzi vona ku xa ka dyambu!’

Timhaka 26:18

u ta pfula mahlo ya vona leswaku va huma emunyameni, va nghena eku vonakaleni, ni leswaku va huma eku fumeni ka Sathana va nghena eka Xikwembu; loko va pfumela ka mina, va ta kuma ku rivaleriwa ka swidyoho, kutani va ta averiwa ndzhaka exikarhi ka vahlawuriwa va Xikwembu.’

Yohane 8:12

Kutani Yesu a engeta a vulavula na vona, a ku: “Hi mina ku vonakala ka misava; loyi a ndzi landzelelaka a nga ka a nga fambi emunyameni ni siku ni rin'we, kambe ú ta va ni ku vonakala ka vutomi.”

Esaya 2:5

N'wina va ka Yakobo, tanani hi famba eku vonakaleni ka HOSI!

Ntirho 33:24

Yi ta n'wi twela vusiwana, yi ku ka Xikwembu: ‘We HOSI, u nga tshiki munhu loyi a hojomela esirheni, ndzi kumile xo riha milandzu ya yena!’

Ntirho 33:18

Xi ponisa vutomi bya vona esirheni, xi va sirhelela ematlharini.

Ntirho 33:31

“Wena Yobo, rhiya ndleve u ndzi yingisa, u nga ndzi tsemi nomo, ndza ha vulavula.

Pisalema 13:3

We HOSI Xikwembu xanga, languta u ndzi hlamula; sivela mahlo ya mina ku khomiwa hi vurhongo bya rifu,

Pisalema 49:19

kambe na yena ú ta fa a landza va ka vona, laha a nga ta ka a nga ha voni dyambu.

Pisalema 107:20

Xi lo vulavula kunene kutani va hola, xi va ponisa eku feni.

Zakariya 9:11

Xikwembu xi ku ka Vaisraele: “Ndzi endlile ntwanano na n'wina lowu funghiweke hi ngati, hikokwalaho ndzi ta ntshunxa vanhu va n'wina lava khomiweke, ndzi ta va humesa evukhumbini bya vona lebyi fanaka ni khele ro pfumala mati.