Ntirho 32:21 - BIBELE Mahungu Lamanene

²¹ Eku vulavuleni ka mina, a ndzi nga yi hi nghohe, a ndzi nga tsakisi munhu ni un'we,

Xitsonga (Bibele)

²¹ Kambe a ndzi nga languti nghohe ya munhu, A ndzi nga heti munhu,

Ntirho 32:21 Referans Kwoze

Levhitika 19:15

“Loko mi ri ehubyeni, mi nga tsemi timhaka hi ndlela leyi nga lulamangiki. Mi nga yi hi nghohe, mi yima na un'wana ehubyeni, a nga va xisiwana kumbe xifumi.

Matewu 22:16

Kutani va rhuma vadyondzisiwa va vona ni va ntlawa wa Vaheroda, va ya n'wi byela, va ku: “Mudyondzisi, ha swi tiva leswaku u vula leswi tiyeke, ni leswaku u dyondzisa ndlela ya Xikwembu hi ntiyiso u nga landzeleli swa vanhu, hikuva a wu yi hi nghohe.

Ntirho 34:19

A xi yimeleli lavakulu kumbe ku amukela vafumi xi ri karhi xi tshika vapfumari, hikuva hinkwavo i swivumbiwa swa xona.

Ntirho 13:8

Xana mi lava ku yimelela Xikwembu xana? Mhaka ya xona, mi nga kota ku yi seketela ke?

Swivuriso 24:23

Swin'wana switsundzuxo swa tintlhari, hi leswi: Ku ya hi nghohe eku avanyiseni ka timhaka, a swi sasekanga.

Ntirho 13:10

Hakunene Xikwembu xi ta mi tshinya, loko mi ndzi lumbeta, hambi ku ri exihundleni.

2 SAMIELE 14:20

Yowabu nandza wa wena ú lukile mano lawa ku hundzuluxa xiyimo xa timhaka; kambe wena n'wini wanga, u ni vutlhari lebyi fanaka ni bya ntsumi ya Xikwembu: U tiva swilo hinkwaswo leswi humelelaka laha misaveni.”

2 SAMIELE 14:17

Naswona, mina nandza wa wena a ndzi ku: ‘Marito ya hosi n'wini wa mina ma ta ndzi rhulisa mbilu!’ hikuva wena hosi n'wini wanga, u fana ni ntsumi ya Xikwembu, u kota ku hlawula leswinene eka leswo biha. HOSI Xikwembu xa wena a xi ve na wena!”

Duteronoma 16:19

Mi nga tshuki mi avanyisa timhaka hi ndlela leyi nga riki yona, naswona mi nga tshuki mi ya hi nghohe kumbe mi pfumela ku xaviwa, hikuva sweswo swi dlaya mahlo ya lavo tlhariha, kutani va gombonyokisa timhaka ta lava lulameke.

Duteronoma 1:17

Loko mi tsema timhaka, mi nga tshuki mi ya hi nghohe; va xiyimo xa le hansi ni xa le henhla, va avanyiseni ku fana; mi nga chavisiwi hi munhu, hikuva i Xikwembu lexi tsemaka mhaka. Loko timhaka ta kona ti mi tsandza, ti tiseni eka mina, ndzi ta ti tenga.’

Ntirho 32:20

Ndzi tshikeni ndzi phofula ndzi humulanyana, nomo wa mina wu pfuleka, ndzi kota ku hlamula.

Ntirho 32:22

hikuva sweswo a ndzi swi lavi, ni loko ndzi swi ringeta, Muvumbi wa mina ú ta hatla a ndzi herisa.”

Ntirho 33:3

Ndzi ta ku byela leswi ndzi swi tivaka, hi mbilu yo basa ni nomo wo tenga,

Pisalema 82:2

xi ku: “Loko mi avanyisa timhaka, xana mi ta tshika rini ku ya hi nghohe, ni ku yimelela lava dyoheke xana?

Swivuriso 28:23

Loyi a nga chaviki ku tshinya van'wana, eku heteleleni, ku ta tsakeriwa yena ku tlula munhu wa marito yo tsokombela.

Malakiya 2:9

Hikokwalaho ndzi ta mi endla vanhu lava soriwaka, lava languteriwaka hansi hi tinxaka hinkwato, hikuva a mi fambanga etindleleni ta mina, eku dyondziseni ka n'wina mi yile hi nghohe.”