Ntirho 32:13 - BIBELE Mahungu Lamanene

¹³ Mi nga tixisi mi ku: ‘Ndlela ya vutlhari ha yi vona, Yobo a nge hluriwi hi munhu, ú ta hluriwa hi Xikwembu ntsena!’

Xitsonga (Bibele)

¹³ Hambiswiritano, mi nga tshuki mi ku: ‘Hi kumile vutlhari; Xikwembu ntsena xi nga n'wi hlula, a nga ri munhu.’

Ntirho 32:13 Referans Kwoze

Yeremiya 9:23

HOSI Xikwembu xi vula sweswo xi ri: “Ntlhari yi nga tikurisi hi vutlhari bya yona, ni nhenha hi vunhenha bya yona, na yena la fumeke a nga tidzunisi hi rifuwo ra yena.

1 Vakorinto 3:18

Munhu a nga tshuki a tixisa. Loko un'wana exikarhi ka n'wina a tivona a ri la tlhariheke hi ku ya hi swa minkarhi leyi, a a hundzuke wo ke mano, leswaku a ta va lowo tlhariha.

Yohane 19:11

Yesu a hlamula, a ku: “A wu nga ta va ni matimba ehenhla ka mina ni kutsongo, loko a wu nga nyikiwanga hi Tilo. Hikokwalaho, loyi a nga ndzi nyiketa eka wena, ú ni nandzu lowukulu ngopfu.”

Zakariya 12:7

HOSI Xikwembu xi ta rhanga xi nyika mavuthu ya va ka Yuda matimba yo hlula valala, leswaku vatukulu va Davhida ni vaaki va Yerusalema va nga tluli va le Yuda hi ku dzuneka.

Ezekiele 28:3

U tivula la tlhariheke ku tlula Daniele; u ri, u kota ku paluxa mhaka yihi ni yihi leyi fihliweke.

Esaya 48:7

Swa ha ku tumbuluxiwa sweswi-sweswi, a hi swa khale, namuntlha hi ko mi sungulaka ku swi twa, hikuva a ndzi nga lavi leswaku mi ku: ‘Hi swi tivile khale!’

Esaya 48:5

Hikokwalaho, swilo leswi swi nga ta humelela, ndzi mi tivisile swona khale, ndzi mi byerile swona swa ha ri kule, hikuva a mi ta ku: ‘Leswi swi endliwile hi swikwembu swa hina leswi hi tivatleleke ni ku tivumbela swona; hi swona swi leriseke leswaku swi humelela!’

Esaya 5:21

Va ni khombo lava tivonaka va tlharihile ngopfu ni ku titshemba ku tlula mpimo.

Ntirho 19:21

“N'wina vanakulorhi, ndzi tweleni vusiwana, ndzi ri, ndzi tweleni vusiwana, hikuva Xikwembu xi ndzi bile.

Ntirho 19:6

Kambe swi tiveni: I Xikwembu xi ndzi vangelaka khombo leri, xi ndzi khubumetile hi ritavala ra xona.

Ntirho 12:2

“Swa vonaka, mo vulavula onge mi tiko hinkwaro, vutlhari byi ta fa siku mi faka!

Ntirho 6:4

Xikwembu-xa-matimba-hinkwawo xi ndzi copile hi miseve, vuxungu bya yona byi hangalaka ni miri wa mina. Xikwembu xi le ku ndzi chaviseni.

Ntirho 4:9

Vukari bya Xikwembu bya va herisa, byi hunga kukota bubutsa, byi va susa.

Ntirho 2:10

Yobo a n'wi hlamula a ku: “U vulavula ku fana ni wansati wa phuphula. Leswi hi amukelaka minkateko yo huma eka Xikwembu, xana a hi fanelanga ku amukela na wona makhombo xana?” Emakhombyeni lawa hinkwawo, Yobo a nga dyohanga hi ku vulavula ka yena.

Ntirho 1:21

a ku: “Ndzi velekiwile ndzi nga ri na nchumu, ndzi ta fa ndzi nga ri na nchumu. HOSI Xikwembu xi nyikile, kambe xi tlhele xi teka. A ku dzunisiwe vito ra xona!”

Vaavanyisi 7:2

HOSI Xikwembu xi ku ka Gidiyoni: “Vanhu lava u nga na vona va tele ngopfu! Ndzi nga ka ndzi nga nyiketi Vamidiyani emavokweni ya Vaisraele vo tarisa sweswo, hikuva va nga tikurisa emahlweni ka mina, va ku: ‘Hi tiponisile hi matimba ya hina.’

Genesa 14:23

leswaku ndzi nge pfuki ndzi tekile hambi yi ri njarha kumbe ngoti yo boha tintanghu, kumbe xilo xihi na xihi lexi nga xa wena, hikuva u nga ta ku: ‘Hi mina ndzi fumiseke Abrama.’

Ntirho 31:40

a yi mirise mahlwehlwe ematshan'wini ya mavele, kumbe mfava ematshan'wini ya maxalana!” Marito ya Yobo ma helela kwala.

Ntirho 32:12

Ndzi ringetile ku mi twisisa, kambe a ku na un'we wa n'wina la nga kota ku kaneta Yobo, kumbe ku hlamula marito ya yena.

Ntirho 32:14

Hambileswi a nga vulavuliki na mina, ndzi ta ringeta ku n'wi hlamula, kambe ku nga ri hi mavulavulele ya n'wina.