Ntirho 31:7 - BIBELE Mahungu Lamanene

⁷ Loko ndzo tshuka ndzi hambukile endleleni, ndzi yengiwa hi mahlo, ndzi tithyakisa ni mavoko,

Xitsonga (Bibele)

⁷ Loko nkondzo wa mina wu hambukile ndlela, Kumbe mbilu ya mina yi landzelele mahlo ya mina, Ni loko xivati xi namarhele emavokweni ya mina,

Ntirho 31:7 Referans Kwoze

Tinhlayo 15:39

Makhaxa lawa ma ta va xitsundzuxo eka n'wina; loko mi ma vona, mi ta tsundzuka leswaku mi fanele ku landza milawu hinkwayo ya mina HOSI, mi tshika leswi timbilu ta n'wina ti mi byelaka swona ni leswi kokaka mahlo ya n'wina, ma nga manyala lawa mi toloveleke ku ma endla.

Eklesiasta 11:9

Wena lontshwa, tsakela vuntshwa bya wena, u tiphina emasikwini wolawo. Famba hi tindlela leti u ti rhandzaka, leti kokaka mahlo ya wena, kambe tiva leswaku Xikwembu xi ta ku avanyisa ehenhla ka leswi hinkwaswo.

Matewu 5:29

Hikokwalaho loko tihlo ra wena ra xinene ri ku dyohisa, ri xokole, u ri cukumeta kule na wena; hikuva swi nga antswa loko xirho xin'we xa wena xi lova, miri wa wena hinkwawo wu nga hoxiwi eTiheleni.

Ezekiele 14:7

“Loko un'wana wa Vaisraele kumbe wa lava luveleke eka vona a ta eka muprofeta ku ta vutisa ku rhandza ka mina, kambe a ri munhu loyi a ndzi fularheleke hi ku tshamela ku anakanya swikwembu swa yena swa hava, ni ku tshemba ngopfu swilo leswi swi n'wi yisaka eku dyoheni, munhu lowo tano mina HOSI ndzi ta n'wi hlamula hi ndzexe;

Ezekiele 14:3

“Wena munhu, vavanuna lava va tshamela ku anakanya swikwembu swa vona swa hava, va tshemba ngopfu swilo leswi swi va yisaka eku dyoheni. Xana ndzi nga pfumela ku vutisiwa timhaka hi vanhu vo tano xana?

Ezekiele 6:9

kutani varikwenu lava, lava nga ta va va ponile ku dlawa, va ta ndzi anakanya loko va ri evukhumbini exikarhi ka vamatiko. Va ndzi vavisile ngopfu, hikuva timbilu ta vona ti ndzi tshikile ti ndzi fularhela; va langutile eka swikwembu swa vona swa hava, mina va nga ha ndzi tshembi. Kambe eku heteleleni va ta tisola ehenhla ka mintirho ya vona leyo homboloka ni manyala ya vona hinkwawo,

Esaya 33:15

Leswi swi kota hi lava hanyaka vutomi lebyinene, lava vulavulaka ntiyiso, lava nyenyaka ku kuma rifuwo hi ku xanisa van'wana, vanhu lava nga pfumeriki ku fumbarherisiwa swo va xava, lava nga laviki ku twa nchumu hi ku halata ngati, lava nga tihlanganisiki ni lava endlaka leswo homboloka.

Pisalema 101:3

ndzi tshika mintirho hinkwayo leyo hombokoka. Lava landzulaka Xikwembu, ndzi ta lwa na vona, ndzi nge pfuki ndzi twananile na vona!

Ntirho 23:11

Ndzi landzelerile ntila wa Xikwembu, a ndzi hambukanga endleleni ya xona.

Ntirho 9:30

Hambiloko ndzi nga hlamba hi mati layo tenga, ndzi basisa mavoko ya mina hi xisibi,

Ntirho 17:9

Loyi a nge, ú lulamile, a nga hundzuki miehleketo, loyi a nge, mavoko ya yena ma tengile, ú ta omela kwalaho.

Ntirho 16:17

Kambe a ndzi endlanga nchumu xo biha, xikhongelo xa mina xi huma embilwini.

Ntirho 27:5

Ndzi nge pfuki ndzi vurile leswaku marito ya n'wina i ntiyiso, ndzi ta tiyisa leswaku ndzi hava nandzu ndzi ko ndzi fa.

Ntirho 27:6

Ndzi khomile ku lulama ka mina, ndzi nge ku tshiki; ndza swi tiva: A ndzi endlanga swa tingana ni siku ni rin'we.

Pisalema 7:4

loko ndzi dyoherile nakulorhi, kumbe loko ndzi phanghile swa nala wa mina ku nga ri na xivangelo,