Ntirho 31:3 - BIBELE Mahungu Lamanene

³ Xana ku herisiwa a hi ka lavo homboloka xana? Makhombo, a hi ya lava endlaka leswo biha ke?

Xitsonga (Bibele)

³ Ku onhaka, a hi ka mudyohi xana? Ni makhombo a hi ya vatirhi va leswo homboloka xana?

Ntirho 31:3 Referans Kwoze

Ntirho 21:30

Va ri, munhu wo homboloka wa pona emakhombyeni, siku Xikwembu xi hlundzukaka, yena wa tsetseleriwa.

Ntirho 34:22

Ku hava munyama, hambi wu ri wo chavisa, lowu vadyohi va nga tumbelaka eka wona.

Yuda 1:7

Swa ha fana na Sodoma na Gomora, ni miti leyi a yi ri kusuhi na kona, leyi a yi hanya evuoswini tanihi tintsumi letiya ni ku tinyiketa eku naveleni ka swa manyala: Miti leyi sweswi yi endliwile xitsundzuxo hi ku biwa yi hisiwa hi ndzilo lowu nga heriki.

2 Petro 2:1

Khale, vaprofeta va mavunwa na vona va humelele exikarhi ka vanhu, tanihi leswi ku nga ta va ni vadyondzisi va mavunwa exikarhi ka n'wina, lava nga ta nghenisa hi le xihundleni tidyondzo to hambuka leti onhaka; va ta landzula hambi a ri N'wini loyi a va kutsuleke, va tivangela ku lova loku nga ta hatla ku va wela.

2 Vatesalonika 1:9

Vanhu lava va ta avanyisiwa hi ku yisiwa eku onhakeni loku nga heriki, ni ku vona nghohe ya Hosi a va nga yi voni, hambi ma ri matimba ya yona layo kwetsima a va nga ma voni.

1 Vatesalonika 5:3

Siku vanhu va nga ta ku: “Ku rhulile, ku hava xo karhata”, hi wona nkarhi lowu ku onhaka ku nga ta va wela henhla hi xitshuketa, tanihi ku lumiwa ka wansati la nga kusuhi ni ku kuma n'wana; va nga ka va nga poni.

Varhoma 9:22

Kambe, ku yini ka swona ke, loko Xikwembu lexi a xi navela ku komba vukari bya xona ni ku endla leswaku ntamu wa xona wu tiviwa, xi vile ni mbilu leyo leha ngopfu, xi lehisela swibya leswi a swi vumberiwile ku kariheriwa ni ku fayeteriwa, xana?

Matewu 7:13

“Nghenani hi nyangwa leyo khuma, hikuva nyangwa leyi yisaka eku loveni yi ahlamile, ni ndlela leyi yaka kona, yi anamile, kutani lava nghenaka hi yona va tele.

Esaya 28:21

HOSI Xikwembu xi ta ta ku fana ni le ntshaveni ya Perasimi, xi ta va xi hlundzukile ku fana ni le rivaleni ra Gibeyoni; xi ta xi ta endla leswi xi faneleke ku swi endla, hambileswi swi nga tolovelekangiki, xi ta tirha ntirho wa xona, hambileswi wu nga ta hlamarisa vanhu.

Swivuriso 21:15

Maavanyisele lamanene ya timhaka ma tsakisa lava lulameke, kambe ma tisa gome eka lavo biha timbilu.

Swivuriso 10:29

HOSI Xikwembu i khokholo ra munhu la tshembekeke, kambe xi herisa lava dyohaka.

Swivuriso 1:27

loko nchavo wu mi terile tanihi xidzedze, ni makhombo ma ta ku fana ni xihuhuri, ni loko mi fikeriwile hi gome ni nhlomulo.

Pisalema 73:18

We Xikwembu, u va veka laha ku rhetaka, u va wisela entlhan'wini wa vuxisi bya vona.

Pisalema 55:23

We Xikwembu, u ta va hoxa ekheleni ra rifu; vanhu lava vo tsakela ku halata ngati ni ku kanganyisa, va ta hunguteriwa malembe ya vona ya ku hanya, kambe mina ndzi ta titshembela wena ntsena.

Tinhlayo 16:30

Kambe loko HOSI Xikwembu xi nga endla masingita, misava yi pfuleka yi mita vanhu lava ni swilo swa vona hinkwaswo, va rhelela va ri karhi va hanya va ya exivandleni xa vafi, mi ta tiva leswaku vanhu lava va sandzile HOSI Xikwembu.”

Ntirho 18:12

Ndlala yi n'wi heta matimba, ú le kusuhi ni ku wela hi ntungu,

Ntirho 20:29

Xikwembu xi ta herisisa sweswo munhu lowo homboloka, hi yona ndzhaka leyi xi n'wi aveleke yona.”

Ntirho 21:17

“Lavo homboloka a va tali ku tekeriwa ku vonakala, kumbe ku humeleriwa hi makhombo; a va tali ku weriwa hi vukari bya Xikwembu.

Ntirho 31:23

Hakunene ndzi chava ngopfu ku biwa hi Xikwembu, emahlweni ka vukulu bya xona, ndzi nge yimi.

Vaavanyisi 9:53

wansati un'wana a hoxa ribye ra ku sila, ri fika ri ba Abimeleke, ri n'wi faya nhloko.

2 SAMIELE 18:10

Un'wana wa masocha a swi vona, kutani a ya vikela Yowabu, a ku: “Mahungu hi lawa! Ndzi vonile Abixalomu a hakamerile emurhini!”