Ntirho 30:26 - BIBELE Mahungu Lamanene

²⁶ Ndzi languterile leswinene, kambe ku humelerile leswo biha; ndzi yimerile ku vonakala, kambe ku nghenile munyama.

Xitsonga (Bibele)

²⁶ A ndzi langutela ku kateka, kutani ndzi tele hi khombo; A ndzi langutela ku vonakala, kambe munyama wu fikele.

Ntirho 30:26 Referans Kwoze

Yeremiya 8:15

A hi languterile leswaku ku ta va ni ku rhula, kambe a hi voni nchumu xo saseka; a hi ku, hi ta kuma minkarhi ya ku horisiwa, kambe ho hlangana ni leswo chavisa ntsena.

Yeremiya 14:19

We HOSI, xana va ka Yuda u va tshikele makumo xana, xana a wa ha lavi ku twa nchumu hi va le Siyoni xana? Hikwalaho ka yini u hi boxile timbanga leti ti hi dlayaka ti nga holi xana? A hi languterile leswaku ku ta va ni ku rhula, kambe a hi voni nchumu xo saseka; a hi ku, hi ta kuma minkarhi ya ku horisiwa, kambe hi hlangana ni leswo chavisa ntsena.

Mikiya 1:12

Vanhu lava tshamaka eMaroti va le ku chaveni swinene, hikuva khombo leri HOSI Xikwembu xi ri rhumeke, ri fikile enyangweni ya muti wa Yerusalema.

Esaya 50:10

Hinkwenu n'wina lava chavaka HOSI Xikwembu, lava yingisaka swileriso swa mina nandza wa xona hambiloko mi famba lomu ko chavisa, laha ku nga ni makhombo, tiyiselani eka HOSI Xikwembu xa n'wina, mi tshemba xona ntsena.

Pisalema 97:11

Lavo lulama va tlhavela hi ku vonakala, lava nga ni timbilu to basa va kuma ku tsaka.

Yeremiya 15:18

Xana ku vaviseka ka mina ku tsandzeka ha yini ku hela, ni mbanga ya mina yi alela yini ku tshunguriwa yi hola, ke? Hakunene u ndzi xisile kukota xihlovo lexi phyaka, lexi tshikaka vanhu empfhukeni!

Ntirho 29:18

“A ndzi ku, ndzi ta fela mutini wa mina, ndzi ri ni masiku yo ringana ni sava hi ku tala,

Ntirho 23:17

Kambe exinyamini lexi, a ndzi miyelanga, ndzi vulavurile, hambiloko xinyami xa kona xi ndzi funengetile.”

Ntirho 19:8

Xikwembu xi hingakanyile ndlela ya mina, xi yi funengetile hi xinyami, ndzi nga ha koti ku hundza.

Ntirho 18:18

Ú susiwa eku vonakaleni, a hoxiwa exinyamini, va n'wi hlongola a suka emisaveni.

Ntirho 18:6

Entsongeni wa yena ku ni xinyami, rivoni ra yena a ra ha pfurhi.

Swirilo 3:2

Ú ndzi khayimile a ndzi yisa exinyamini lexo chavisa.

Esaya 59:9

Vaisraele va ku: “Ku lweriwa hi Xikwembu swa ha ri kule na hina, xi nge pfuki ni siku ni rin'we xi hi endlerile leswi lulameke. Hi lava ku vonakala, kambe ho vona xinyami ntsena, hi lava ku famba laha ku nga te nghéé, kambe hinkwako ku lo khwìxìì!