Ntirho 30:23 - BIBELE Mahungu Lamanene

²³ Ndza swi tiva, u ndzi kongomisa esirheni, exivandleni lexi vanhu hinkwavo va hlengeletiwaka eka xona.

Xitsonga (Bibele)

²³ Hikuva ndza swi tiva leswaku u ndzi yisa eku feni, Endlwini yoleyo hinkwavo lava hanyaka va faneleke ku hlengeletana eka yona.

Ntirho 30:23 Referans Kwoze

Vaheveru 9:27

Tanihi leswi ku lulamisiweke leswaku vanhu va fa kan'we, kutani endzhaku ka swona ku ta ku avanyisiwa,

Eklesiasta 9:5

Lava hanyaka va swi tiva, va ya eku feni, kasi lava feke a va ha tivi nchumu. Va ha ta nkhensiwa hi mani xana, leswi va nga ha tsundzukiwiki hi munhu ke?

Eklesiasta 8:8

Ku hava munhu la nga ni matimba ya ku tihlayisela moya wa yena, kumbe la kotaka ku yimisa siku ra ku fa ka yena. Lava yeke enyimpini, a va ntshunxiwi yi nga si hela, na vona lava tinyiketeke eka leswo biha, va nge ntshunxiwi eka swona.

Ntirho 21:33

ú landzeleriwa hi vanhu lavo tala, emahlweni ku rhangile ntshungu lowukulu; loko va seleterile, misava ya kona a yi n'wi tikeli.

Ntirho 14:5

Masiku ya munhu ma pimiwile, hi wena u tivaka ntsengo wa malembe ya yena ya ku hanya; u n'wi bele mindzilekana leyi a tsandzekaka ku yi tlula.

Ntirho 9:22

“Hinkwaswo swa fana! Hikokwalaho ndzi ri, vanhu vo lulama ni vanhu lavo homboloka, Xikwembu xi va herisa ku fana!

Ntirho 3:19

Lavakulu ni lavatsongo va kumeka kona, vuhlonga byi herile exivandleni xexo!

2 SAMIELE 14:14

Mati loko ma halakile ma halakile, a ma ha oleriwi; na hina vanhu hi fana na wona, hi ta fa hinkwerhu. Xikwembu a xi vuyisi lava feke, kambe a xi tshiki ku endla makungu yo vuyisa munhu wa xona loyi a nga lo hlongoriwa kunene.

Genesa 3:19

U ta dya swa nyuku wa wena, u kondza u tlhelela emisaveni hikuva u humesiwile eka yona; u ntshuri, kutani u fanele ku tlhelela entshurini.”

Ntirho 10:8

Hi wena u vumbeke swirho swa mina hinkwaswo loko u ndzi tumbuluxa, kambe sweswi wa ndzi dlaya!

Yoxuwa 23:14

“Kutani sweswi, ndzi le kusuhi ni ku rhurha laha misaveni. Hinkwenu ma swi tiva etimbilwini ta n'wina ni le moyeni wa n'wina, leswaku ku hava ni xilo ni xin'we xa swilo hinkwaswo leswinene leswi HOSI Xikwembu xi tshembiseke swona, lexi xi nga humelelangiki. Hinkwaswo leswi xi tshembiseke swona swi hetisekile. A ku na xin'we lexi xi nga humelelangiki.