Ntirho 29:8 - BIBELE Mahungu Lamanene

⁸ majaha a ma ndzi nyizela loko ma ndzi vona, lavakulu a va ndzi xixima va chaya bayethe.

Xitsonga (Bibele)

⁸ Lavantshwa, loko va ndzi vona, va ndzi kendlukela, Lava kuleke a va suka va yima.

Ntirho 29:8 Referans Kwoze

Levhitika 19:32

“Mi fanele ku va ni xichavo eka lavakulu, mi va xixima, naswona mi chava Xikwembu xa n'wina: Hi mina HOSI.

1 Petro 5:5

Swi tano na n'wina lavantshwa: Titsongahateni eka lavakulu. Hinkwenu ambalani ku titsongahata, mi tiveka ehansi, van'wana eka van'wana, hikuva va khale va te: “Xikwembu xi alela lava tikurisaka, kambe xi tsetselela lava titsongahataka.”

Tito 3:1

Tsundzuxa lava u va dyondzisaka ku tiveka ehansi ka tihosi ni tindhuna, hi ku ti yingisa, va tshama va tilunghisela ku tirha mintirho hinkwayo leyinene;

Varhoma 13:7

Humeselani hinkwavo tifanelo ta vona; loyi a fanelaka ku amukela ndzuvo, n'wi nyikeni; loyi a fanelaka ku luviwa, n'wi luveni; loyi a fanelaka ku chaviwa, n'wi chaveni; loyi a fanelaka ku xiximiwa, n'wi xiximeni.

Swivuriso 16:31

Timpfi i harhi yo dzuneka, leyi kumiwaka hi vanhu va mahanyelo lamanene.

1 Petro 2:17

Xiximani vanhu hinkwavo. Rhandzani nhlengeletano ya vamakwenu. Chavani Xikwembu. Xiximani hosi leyikulu ya tiko.

Swivuriso 20:8

Hosi leyi tshameke exiluvelweni xo avanyisa, yi kota ku hatla yi vona loyi a nga ni nandzu.

Ntirho 29:7

Loko ndzi huma ekaya ndzi ya ehubyeni ndzi ya tshama endhawini ya mina,

Ntirho 29:9

Tindhuna a ti nga ha vulavuli, a ti siva milomo ya tona, ti miyela.