Ntirho 28:28 - BIBELE Mahungu Lamanene

²⁸ Kutani xi vulavula na vanhu xi ku: “Ku chava N'wini wa hinkwaswo, hi byona vutlhari; ku hambana ni leswo biha hi kona ku twisisa!”

Xitsonga (Bibele)

²⁸ Kutani xi ku eka munhu: ‘Vona, xichavo xa Hosi, hi byona vutlhari; Ku papalata swo biha, hi kona ku twisisa.’ ”

Ntirho 28:28 Referans Kwoze

Pisalema 111:10

Masungulo ya vutlhari i ku chava HOSI Xikwembu, hinkwavo lava endlaka sweswo va ni ku twisisa. Ku dzuneka ka HOSI a ku na ku hela!

Swivuriso 1:7

Masungulo ya vutivi i ku chava HOSI Xikwembu; lava alaka ku dyondzisiwa ni ku leteriwa i swiphukuphuku!

Swivuriso 9:10

Masungulo ya vutlhari i ku chava HOSI Xikwembu, Muhlawuleki ú tiviwa hi loyi a twisisaka.

Swivuriso 3:7

U nga tshuki u tiendla ntlhari, chava HOSI Xikwembu, u hambana ni leswo biha.

Eklesiasta 12:13

Eka hinkwaswo leswi u swi tweke, rito ro hetelela hi leri: Chava Xikwembu, u hlayisa milawu ya xona, hikuva sweswo i fanelo ya munhu un'wana ni un'wana.

Duteronoma 4:6

Hlayisani milawu ni swiletelo leswi, hikuva loko mi endla tano, vanhu va tinxaka timbe va ta vona vutlhari ni ku twisisa ka n'wina, kutani loko va twa milawu leyi hinkwayo, va ta ku: ‘Mawaku lava nga ni vutlhari ni ku twisisa ku fana ni rixaka lerikulu leri.’

Pisalema 34:14

tshikani leswo biha mi endla leswinene, lavani ku rhula, mi tiyisela endleleni ya kona,

Swivuriso 16:17

Gondzo ra lavo lulama ri papalata leswo biha, hinkwavo lava fambaka eka rona, va ponisa vutomi bya vona.

Swivuriso 13:14

Dyondzo leyi humaka eka lowo tlhariha i xihlovo xa vutomi, lexi nga ponisaka munhu entlhan'wini wa rifu.

Duteronoma 29:29

“Ku ni swilo leswi swi ngo va xihundla xa HOSI Xikwembu ntsena; kambe hinkwaswo leswi tsariweke ebukwini leyi ya Nawu, Xikwembu xi hi hlamuserile swona, leswaku hi ta swi hlayisa, hina ni vatukulu va hina.

2 Timotiya 2:19

Hambiswiritano, masungulo layo tiya lama vekiweke hi Xikwembu a ma tsekatseki; ma tiyisiwa hi rito leri nge: “Hosi yi tiva lava nga va yona.” Naswona: “Un'wana ni un'wana loyi a vulaka vito ra Hosi, a a tshike leswo homboloka.”

Esaya 1:16

Hlambani, mi basa; mintirho ya n'wina leyo biha, yi suseni emahlweni ka mina; mi nga ha tlheli mi dyoha,

1 Petro 3:11

a a tshike leswo homboloka a endla swo lulama; a a lave ku rhula a tiyisela endleleni ya kona.

1 TIHOSI 18:3

Hikokwalaho, Akabu a vitana Obadiya, mulanguteri wa swa le ntsindza. (Obadiya a a ri munhu la chavaka ngopfu HOSI Xikwembu.

Ntirho 1:1

Khale, etikweni ra Usi, a ku ri ni munhu wo lulama wa mahanyelo lamanene, loyi a va ku i Yobo; munhu loyi a a tirhela Xikwembu, a fularhela leswo biha.

Ntirho 28:12

Vutlhari byona hi nga byi kuma kwihi, hi kwihi laha ku twisisa ku tshamaka kona ke?

Ntirho 28:20

Xana vutlhari byi huma kwihi ke, hi kwihi laha ku twisisa ku tshamaka kona xana?

Ntirho 28:27

hi kona xi vonaka vutlhari xi byi kamba, xi byi tiyisa ni ku byi twarisa.

Swivuriso 14:16

La tlhariheke wa xiyaxiya, a papalata leswo biha, kambe xiphunta xi ni magugu, xi wela swilo ehenhla.

Pisalema 94:10

Xana loyi a letelaka vamatiko, a nge pfi a va ba xana? Hi yena la dyondzisaka vanhu, ú ni vutivi!

Swivuriso 8:13

Loyi a chavaka HOSI Xikwembu ú venga leswo biha. Ku tikurisa, ni ku tiarisa, ni mahanyelo layo biha, ni ku vulavula mavunwa, ndza swi venga.

Swivuriso 16:6

Munhu loyi a nga ni tintswalo, a tlhela a tshembeka, HOSI Xikwembu xa n'wi rivalela milandzu ya yena, naswona loyi a xi chavaka, ú kota ku papalata leswo biha.