Ntirho 28:18 - BIBELE Mahungu Lamanene

¹⁸ a ha ha vuli tinkatla kumbe swibya swa “Kristala”! Xinkwamana xa vutlhari xi ni risima ku tlula vuhlalu lebyi sasekeke.

Xitsonga (Bibele)

¹⁸ Korale ni kristala swi nga ka swi nga vuriwi eka byona: Kutani vutlhari byi tlula ngopfu tiperela;

Ntirho 28:18 Referans Kwoze

Swivuriso 3:15

Vutlhari byi ni nkoka ku tlula swilo swo bomba ha swona, byi tlula ni swilo hinkwaswo leswi munhu a swi navelaka.

Ezekiele 27:16

Va le Edomu a va endla mabindzu na wena, va kuma tinhundzu leto tala eka wena, va xava hi maribye ya nkoka ya ‘emeralda’, ni minceka ya muhlovo wo tshwuka ni leyi rhungeleriweke mavalavala, ni ntsembyani wo saseka, ni tinkatla ta ntima, ni maribye ya nkoka ya ‘rubi’.

Swirilo 4:7

Tihosana ta Yerusalema a ti tengile ku tlula gamboko, ti tsakisa mahlo ku tlula masi; miri wa tona a wu sasekile ku tlula swo bomba ha swona, wu tlhela wu yimeka swinene.

Swivuriso 31:10

Wansati wa migingiriko, a swi olovi ku n'wi kuma, swilo swo bomba ha swona, ú swi tlula kule.

Nhlavutelo 21:21

Kutani tinyangwa leti ta 12 a ti endliwe hi vuhlalu bya nkoka bya “tidayimani” ta 12, nyangwa yin'wana ni yin'wana yi endliwile hi “dayimani” yin'we. Xivava xa muti a xi ri xa nsuku lowo tenga, wo fana ni nghilazi leri vonikelaka.

Nhlavutelo 18:12

Ku hava ni un'we loyi a xavaka nsuku wa vona, ni silivhere, ni maribye ya nkoka, ni vuhlalu bya nxavo lowukulu; tinguvu ta vona ta ntsembyani wa risima, leto vangama ta xivunguvungu, ni ta silika, ni leto tshwuka; tinxaka-xaka ta mintsandza leyo nun'hwela, ni swilo swa mihlovo-hlovo leswi nga vatliwa hi matino ya tindlopfu, ni mintsandza ya nkoka, ni swa koporo, ni swa nsimbhi, ni swa maribye layo rhetela;

Nhlavutelo 17:4

Wansati loyi a a ambele tinguvu to vangama ta xivunguvungu ni leto tshwuka, a tikhavisile hi nsuku, ni maribye ya nkoka, ni vuhlalu bya nxavo lowukulu; evokweni ra yena a a tamele xinwelo xa nsuku lexi taleke hi swilo swa manyala ni thyaka ra vuoswi bya yena.

1 Timotiya 2:9

Hi mukhuva wolowo na vona vavasati a va ambale leswi fanekelaka, va hlova va pima, va nga ambali swo vonikela kumbe ku tibombisa hi misisi leyi horhiweke, kumbe hi vuhlalu bya nkoka, kumbe hi tinguvu to durha ngopfu;

Matewu 7:6

Mi nga nyiki timbyana swilo leswi hlawulekeke, hikuva ti nga mi hundzukela, ti mi kavutlulela; naswona mi nga hoxi tidayimani ta n'wina emahlweni ka tinguluve, hikuva ti ta ti kandziyela hi milenge.

Swivuriso 8:11

hikuva vutlhari byi tlula swilo swo bomba ha swona, hinkwaswo leswi munhu a swi lavaka swi nga ka swi nga byi tluli.

Swivuriso 3:13

Munhu loyi a kumeke vutlhari ni ku twisisa, ú katekile,

Swivuriso 20:15

Nsuku ni swilo swo bomba, a hi ku tala ka swona, kambe marito ya vutivi i xuma lexi kalaka swinene.