Ntirho 27:2 - BIBELE Mahungu Lamanene

² “Ndzi hlambanya hi Xikwembu lexi hanyaka, lexi-nga-ni-matimba-hinkwawo, xona xi alaka ku ndzi lwela, xi ndzi dyisaka ni mbitsi, ndzi ri:

Xitsonga (Bibele)

² “I Xikwembu lexi hanyaka, lexi ndzi tekeleke ku lulama ka mina! Ni Lowa matimba hinkwawo la vavisaka moya wa mina!

Ntirho 27:2 Referans Kwoze

Ntirho 34:5

Yobo ú vulavurile a ku: ‘Ndzi munhu wo lulama, kambe Xikwembu xi ala ku ndzi lwela.

2 TIHOSI 4:27

Kambe loko a fikile entshaveni, eka munhu wa Xikwembu, a nkhinsama a khoma milenge ya Elixa. Gehazi a a tela ku ta n'wi kokela tlhelo, kambe munhu wa Xikwembu a ku ka Gehazi: “N'wi tshike, hikuva ú le ku karhatekeni lokukulu loku ndzi nga ku tiviki, hikuva HOSI Xikwembu xi ndzi fihlele mhaka leyi.”

Tinhlayo 14:21

Kambe, loko ku vonakala ka mina ka ha funengetile misava hinkwayo, ndzi vula ndzi tiyisile, ndzi ri:

Ezekiele 33:11

Va byele leswaku mina HOSI N'wini wa hinkwaswo ndzi tibohile hi ku hlambanya ndzi ri: A ndzi tsakeli rifu ra mudyohi, kambe ndzi lava leswaku a hundzuka etindleleni ta yena leto homboloka, kutani a kuma ku hanya. Hikokwalaho, n'wina Vaisraele, hundzukani! Ina, hundzukani, mi tshika tindlela ta n'wina leto biha. Hikwalaho ka yini mi lava ku tivangela rifu xana?

Yeremiya 12:16

Vamatiko lava, khale va dyondzisile vanhu va mina ku hlambanya hi vito ra Baali. Kambe loko va nga dyondza ku khongela ku fana ni Vaisraele, ni loko va nga hlambanya hi vito ra mina va ku: ‘HOSI i Xikwembu lexi hanyaka!’ va ta kuma ku tshamiseka exikarhi ka vanhu va mina.

Yeremiya 5:2

Hambiloko va tiboha hi ku vula va ku: ‘HOSI Xikwembu xi kona!’ ku hlambanya ka vona i mavunwa ntsena.”

Yeremiya 4:2

Loko u hlambanya hi ntiyiso ni ku lulama u nga hembi, kutani u ku: ‘HOSI Xikwembu xi kona!’ na vona vamatiko va ta kombela leswaku ndzi va katekisa kutani va ta titsakela eka mina.”

Esaya 40:27

N'wina va ka Yakobo, xana mi vilelela yini; ndzi vula n'wina Vaisraele, xana mi vula yini loko mi ku: “HOSI Xikwembu a xa ha lavi ku tshinela kusuhi na hina, Xikwembu xa hina a xa ha lavi ku hi sirhelela.”

Ntirho 10:3

Xana eka wena i mhaka yo saseka loko u ndzi tshikelela, u sola ntirho wa mavoko ya wena, u ri karhi u katekisa makungu ya lavo homboloka xana?

Ntirho 9:18

Xi ndzi tsona nkarhi wa ku hefemula, xo tshamela ku ndzi dyisa mbitsi.

1 TIHOSI 18:15

Hiloko Eliya a hlamula a ku: “Ndza tiyisa emahlweni ka HOSI ya matimba hinkwawo, leyi ndzi yi tirhelaka, ndzi ri: Namuntlha ndzi ta ya humelela hi xiviri xa mina emahlweni ka Akabu.”

1 TIHOSI 17:1

Eliya wa le Tixibe, un'wana wa vaaki va tiko ra Giliyadi, a ku ka Akabu: “Ndza tiyisa emahlweni ka HOSI Xikwembu xa Israele lexi hanyaka, lexi ndzi xi tirhelaka, ndzi ri: Malembe lawa, mpfula ni mberha swi nga ka swi nga vi kona, loko ndzi nga si vula nchumu.”

2 SAMIELE 2:27

Yowabu a hlamula a ku: “Ndza hlambanya emahlweni ka Xikwembu lexi hanyaka, ndzi ri: Loko onge a wu nga pfukanga vavanuna lava hinkwavo hi marito ya wena, ingi mixo lowu va nga mi hlongorisanga n'wina vamakwerhu.”

1 SAMIELE 25:34

Ndza tiyisa hakunene emahlweni ka HOSI Xikwembu xa Israele lexi hanyaka, lexi xi ndzi siveleke ku ku vavisa, ndzi ri: Loko a wu nga hatlisanga u ndzi hlanganisa, mundzuku nimixo vavanuna va ka Nabala a va ta herisiwa hinkwavo, ku nga sali ni un'we wa vona.”

1 SAMIELE 25:26

Sweswi ke, n'wini wanga, ndza tiyisa hi ku hlambanya emahlweni ka HOSI Xikwembu lexi hanyaka ni le mahlweni ka wena, ndzi ri: Hi xona Xikwembu lexi ku siveleke ku tirihisela hi wexe ni ku halata ngati ya vanhu. Valala va wena ni lava ringetaka ku ku endla swo biha, a va fane na Nabala, wena n'wini wanga.

1 SAMIELE 20:21

Kutani ndzi ta rhuma mufana, ndzi ku ka yena: ‘Famba, u ya lava miseve!’ Loko ndzi ku ka mufana: ‘Vona, miseve yi wele hi tlhelo ra haleno, yi teke!’ swi ta vula leswaku u nga vuya, hikuva ndza tiyisa emahlweni ka HOSI Xikwembu lexi hanyaka leswaku tindlela ti ta va ti ku baserile, ku ta va ku nga ri na khombo.

1 SAMIELE 14:45

Kambe vanhu va ku ka Sawulo: “Xana Yonatani ú fanele ku fa hakunene ke, yena loyi a ha ku ponisaka Israele hi ndlela yo hlamarisa, xana? Sweswo swi nga ka swi nga endleki! Ha tiyisa emahlweni ka HOSI Xikwembu lexi hanyaka, hi ri: A nga ka a nga lahlekeriwi hi nsisi ni wun'we wa yena, hikuva eku lweni ka yena namuntlha, Xikwembu a xi ri na yena.” Kavaloko va lamulerile Yonatani, a pona ku dlawa.

1 SAMIELE 14:39

hikuva ndza tiyisa emahlweni ka HOSI Xikwembu lexi hanyaka muponisi wa Israele, ndzi ri: Hambiloko nandzu wu nga va na n'wana wa mina Yonatani, ú ta fa hakunene!” Kambe na un'we wa vona a nga hlamulanga.

Rhuti 3:13

Wisa kwala vusiku lebyi, kutani nimixo loko munhu loyi a nkhensa ku ku hlayisa hi mukhuva wa ndzhaka, swi ta va swi sasekile, a a ku hlayise. Kambe loko a nga swi tsakeli, ndzi tiyisa emahlweni ka Xikwembu lexi hanyaka leswaku mina ndzi ta ku hlayisa. Sweswi, etlela ri ko ri xa.”

Ntirho 16:11

Xikwembu xi ndzi nyiketile eka vanhu va tihanyi, xi ndzi tshikile emavokweni ya lavo homboloka.

Ntirho 19:6

Kambe swi tiveni: I Xikwembu xi ndzi vangelaka khombo leri, xi ndzi khubumetile hi ritavala ra xona.

Ntirho 23:16

Xikwembu-xa-matimba-hinkwawo xi ndzi tshovile mbilu, xi ndzi vangela maxangu.

Ntirho 35:2

“We Yobo, xana u vona swi lulamile xana, loko u ku: ‘A ndzi na nandzu emahlweni ka Xikwembu!’

Ntirho 40:8

Xana u nga ndzi veka nandzu, u ndzi lumbeta, wena u sala u ri la lulameke, xana?

Ntirho 9:17

Xikwembu xi ndzi vutla hi xihuhuri, xi ndzi boxetela ni timbanga, ndzi nga onhanga nchumu!