Ntirho 24:20 - BIBELE Mahungu Lamanene

²⁰ va rivariwa hi vamana wa vona, swivungu swi va dya swi tiphina, ku hava loyi a va tsundzukaka. Hakunene vanhu lavo homboloka va tshoviwa ku fana ni rihunyi.

Xitsonga (Bibele)

²⁰ Va rivala hi nyimba leyi va velekeke, Va dyiwa hi swivungu, a va anakanyiwi! Mbabva yi susiwa kukota murhi lowu omeke.

Ntirho 24:20 Referans Kwoze

Swivuriso 10:7

Munhu wo lulama wa nkhensiwa, a nga rivariwi, kasi vito ra lowo homboloka ra bola.

Daniele 4:14

A huwelela a ku: ‘Tsemani murhi, mi khutulela marhavi; hundlani matluka, mi hangalasa ni mihandzu ya kona; swiharhi leswi vundzeke hansi ka wona a swi suke, na tona tinyanyana leti phatsameke emarhavini ya wona a ti hahe ti nyamalala.

Matewu 3:10

Nisweswi xihloka xi vekiwile etimitswini ta mirhi; murhi wun'wana ni wun'wana lowu nga vekiki mihandzu leyinene, wu ta tsemiwa wu hoxiwa endzilweni.

Esaya 26:14

Vanhu volavo sweswi va file, va nga ka va nga ha pfuki; va celeriwile emasirheni, va nga ka va nga ha humi; hi wena HOSI u va yeleke, u va ba u va herisa, ku nga sali na un'we loyi vanhu va nga ta va tsundzuka ha yena.

Eklesiasta 8:10

Ndzi vonile lavo homboloka loko va lahliwa hi xichavo; kambe lava endleke leswo lulama, lava a va nghena ni ku huma eTempeleni, va rivariwile emutini. Na swona sweswo, a swi pfuni nchumu.

Ntirho 19:26

Loko vuvabyi lebyi byi ta va byi ndzi hete nhlonge, ndza ha ta va munhu, ndzi vona Xikwembu.

Ntirho 17:14

Eka sirha, ndzi ta ku: ‘Hi wena tata wa mina’, ni le ka swivungu: ‘Mi mana wa mina ni vamakwerhu!’

Ntirho 3:13

Loko a ndzi lo fa, ingi ndzi wisile, a ndzi ta va ndzi etlele, ndzi hambana ni maxangu,

Ntirho 19:10

Xi le ku ndzi fayeni ku fana ni khumbi ndzi ko ndzi hela, xi tsuvula ku tshemba ka mina tanihi murhi.

Ntirho 21:26

Kambe hinkwavo va etlerisiwa esirheni, va funengetiwa hi swivungu.

Pisalema 34:16

kambe xi lwa ni lava endlaka leswo biha, xi va herisa leswaku va nga ha tsundzukiwi laha misaveni.

Esaya 49:15

Kambe Xikwembu xi ri: “Xana wansati a nga rivala n'wana loyi a n'wi mamisaka xana? Xana a nga tshika ku rhandza n'wana loyi a n'wi velekeke xana? Hambiloko manana a nga rivala n'wana wa yena, mina ndzi nga ka ndzi nga ku rivali.