Ntirho 24:15 - BIBELE Mahungu Lamanene

¹⁵ Na yena muoswi, ú tirha loko ri perile, ú ri: ‘Ku hava la ndzi vonaka!’ a tisiva ni xikandza.

Xitsonga (Bibele)

¹⁵ Mahlo ya muoswi ma langutela mpimavayeni, U ri: ‘A ku na tihlo leri ndzi vonaka,’ Kambe u tifunengeta mombo hi xisirhelo.

Ntirho 24:15 Referans Kwoze

Pisalema 10:11

Hi mbilu, ú ri: “Xikwembu a xi na mhaka, a xi languti, xi nga ka xi nga swi voni.”

Ezekiele 9:9

Xikwembu xi ndzi hlamula xi ku: “Vaisraele ni va ka Yuda va dyohile ngopfu; tiko ra vona ri tele vadlayi, ni kwala Yerusalema va le ku xanisaneni. Va vula leswaku mina HOSI ndzi tshikile tiko ra vona, ni leswaku a ndzi voni leswi va swi endlaka.

Ezekiele 8:12

Xikwembu xi ku ka mina: “Xana wa swi vona, we Ezekiele, leswi vakulukumba va Israele va swi endlaka exihundleni xana? Loko va ri etindlwini ta vona ta swifaniso, va vula mina HOSI a ndzi va voni, ni leswaku ndzi tshikile tiko ra vona.”

Pisalema 94:7

va ri karhi va ku: “HOSI a yi swi voni, Xikwembu xa va ka Yakobo a xi na mhaka na swona!”

Pisalema 73:11

Va vulavula va ku: “Xikwembu a xi tivi nchumu! Xana loyi a nga henhla-henhla a nga vona yini xana?”

Pisalema 50:18

Loko mi vona khamba, mi ri endla munghana, mi tolovelana ni lava endlaka vuoswi.

2 SAMIELE 12:12

U endlile xidyoho lexi exihundleni, kambe mina, mhaka leyi ndzi yi vulaka, ndzi ta yi endla erivaleni, emahlweni ka Vaisraele hinkwavo!’ ”

Eksoda 20:14

“U nga tshuki u oswa.

Ntirho 31:9

“Loko ndzi lo tshuka ndzi yiviwa mbilu hi nsati wa un'wana, ni loko ndzi lo ya n'wi hlometela enyangweni ya muti wa ka vona,

Swivuriso 7:7

ndzi languta lavantshwa lavo pfumala vutivi, kutani exikarhi ka vona ndzi vona jaha leri nga ehleketiki swinene,