Ntirho 22:28 - BIBELE Mahungu Lamanene

²⁸ Makungu lawa u ma boheke, ma ta humelela, u ta voningeriwa tindlela.

Xitsonga (Bibele)

²⁸ Loko u kanela mhaka yin'wana yi ta humelela eka wena, Ku vonakala ku ta vangama etindleleni ta wena.

Ntirho 22:28 Referans Kwoze

Matewu 21:22

naswona hinkwaswo leswi mi swi kombelaka hi ku khongela, loko mi pfumela, mi ta nyikiwa swona.”

Pisalema 90:17

Hi funengete hi tintswalo ta wena, we Xikwembu xa hina ni N'wini wa hina; katekisa mintirho ya hina, ina yi katekise!

Pisalema 20:4

A xi ku nyike leswi u swi navelaka embilwini, xi katekisa makungu ya wena hinkwawo!

Esaya 30:21

Loko mi tshuka mi hambuka endleleni, mi ya exineneni kumbe eximatsini, mi ta twa rito leri taka hi le ndzhaku ka n'wina, ri ku: “Ndlela hi leyi, khomani yona!”

Yohane 8:12

Kutani Yesu a engeta a vulavula na vona, a ku: “Hi mina ku vonakala ka misava; loyi a ndzi landzelelaka a nga ka a nga fambi emunyameni ni siku ni rin'we, kambe ú ta va ni ku vonakala ka vutomi.”

Swivuriso 4:18

Mahanyelo ya lavo lulama ma fana ni ku vonakala ka vurhonga loku ku yaka ku engeteleleka, dyambu ri ko ri xa.

Malakiya 4:2

Kambe n'wina lava chavaka vito ra mina, ndzi ta mi komba ntamu wa mina wa ku ponisa; Wu ta fana ni dyambu leri miseve ya rona yi horisaka mavabyi. Mi ta ntshunxiwa mi tlalamba kukota marhole loko ma huma etshangeni.

Swirilo 3:37

Loko N'wini wa hinkwaswo a nga lerisanga nchumu, xana i mani loyi a nga vulaka rito, kutani swilo swi humelela, xana?

Pisalema 112:4

Eminkarhini ya makhombo, munhu loyi ú famba eku vonakaleni, ú ni tintswalo, ú twela vusiwana, a hi ku lulama ka yena!

Ntirho 29:3

loko rivoni ra xona ra ha ndzi voningela, ni loko xa ha ndzi fambisa nivusiku hi ku vonakala ka xona!

Yakobo 4:15

Ematshan'wini ya swona a mi fanele ku vula mi ku: “Loko Hosi yi swi rhandza, hi ta pfuka hi ya endla leswo karhi kumbe leswo karhi.”

Pisalema 97:11

Lavo lulama va tlhavela hi ku vonakala, lava nga ni timbilu to basa va kuma ku tsaka.

Ntirho 11:17

Kutani vutomi bya wena byi ta vangama kukota dyambu ninhlekanhi, xinyami xa byona xi ta tlhavela hi vurhonga.

Ntirho 33:28

A ndzi rhelela ndzi ya esirheni, kambe xi ndzi kutsurile; ndza ha ta hanya ndzi vona ku xa ka dyambu!’

Pisalema 1:3

Ú fana ni murhi lowu mileke etlhelo ka mati lama khulukaka, lowu vekaka mihandzu ya wona hi nguva ya kona, lowu nga dzudzekiki matluka. Eka hinkwaswo leswi a swi endlaka, wa humelela.