Ntirho 21:31 - BIBELE Mahungu Lamanene

³¹ Munhu wo tano, a nga kanetiwa hi mani, i mani la nga n'wi tshinyaka emintirhweni ya yena xana?

Xitsonga (Bibele)

³¹ I mani la nga ta n'wi holovela emahlweni hikwalaho ka mafambele yakwe, U ta tlheriseriwa hi mani leswi a nga swi endla?

Ntirho 21:31 Referans Kwoze

Duteronoma 7:10

Kambe lava va xi vengaka, xi ta va ba xi va herisa. Loyi a vengaka HOSI Xikwembu, xi nge n'wi tsetseleli xi n'wi tshika ntsena, kambe xi ta n'wi ba.

Vagalatiya 2:11

Kambe loko Petro a tile le Antiyoka, ndzi n'wi kongomile, ndzi n'wi tshinya hikuva a a hoxile.

Yakobo 2:13

Hakunene muavanyisi a nga ka a nga tsetseleri munhu loyi a nga tsetselelangiki van'wana; kasi loyi a tsetselelaka van'wana wa khana esikwini ra ku avanyisa.

Varhoma 12:19

Varhandziwa, mi nga tshuki mi tirihisela mi ri n'wina; kambe kendlukelani vukari bya Xikwembu, hikuva ku tsariwile va ku: “Ku rihisa i ka mina; hi mina loyi ndzi nga ta rihisela, ku vula Hosi.”

Timhaka 24:25

Kambe loko Pawulo a vulavula hi ta ku lulama, ni ta ku tikhoma, ni ta ku avanyisiwa loku nga ta ta, Felikisi a khomiwa hi ku chava, a hlamula, a ku: “Namuntlha, famba u ya tshama; siku ndzi kumaka nkarhi, ndzi ta tlhela ndzi ku vitana.”

Marka 6:18

kutani Yohane a a tshamela ku byela Heroda a ku: “A wu pfumeleriwi ku tekela makwenu ensati wa yena.”

Esaya 59:13

Hi tlurile milawu ya wena HOSI, hi tlhela hi ku fularhela, hi tshike ku landza wena Xikwembu xa hina. Hi vulavula ntsena hi ta ku xanisa van'wana ni ku hundzukela wena, makungu ya hina ni leswi hi swi vulaka i mavunwa ntsena.

Pisalema 50:21

Swilo leswi mi swi endlile, kambe mina a ndzi hlamulanga nchumu; mi ehleketile leswaku ndzi yima na n'wina, kambe sweswi ndza mi tshinya, ndzi mi vona nandzu.

Ntirho 41:11

I mani la ndzi lombeke xanchumu lexi ndzi bohekaka ku n'wi tlherisela xona ke? Hinkwaswo leswi nga hansi ka dyambu i swa mina!

Ntirho 21:19

N'wina mi ri, Xikwembu xi tshika lavo homboloka, xi ba vana va vona! Hikwalaho ka yini xi nga bi vona vinyi ke?

Ntirho 21:30

Va ri, munhu wo homboloka wa pona emakhombyeni, siku Xikwembu xi hlundzukaka, yena wa tsetseleriwa.

Ntirho 21:32

Siku lowo homboloka a yaka eku lahliweni, ku ni lava rindzaka sirha ra yena;