Ntirho 21:17 - BIBELE Mahungu Lamanene

¹⁷ “Lavo homboloka a va tali ku tekeriwa ku vonakala, kumbe ku humeleriwa hi makhombo; a va tali ku weriwa hi vukari bya Xikwembu.

Xitsonga (Bibele)

¹⁷ “Hi nkarhi wun'wana rivoni ra timbabva ri timeka, A va tali ku wela hi khombo, Xikwembu a xi andzise ku va avela vukari bya xona.

Ntirho 21:17 Referans Kwoze

Luka 12:46

n'wini wa yena a nga tshuka a fika, hi siku leri nandza a nga n'wi langutelangiki ha rona, naswona hi nkarhi lowu a nga wu tiviki. Kutani n'wini wa nandza loyi ú ta n'wi ba swinene, a n'wi cukumeta kun'we ni lava nga tshembekangiki.

Matewu 25:8

Lavo rivala va ku ka lavo tlhariha: ‘Hi cheleleni mafurhanyana, hikuva timboni ta hina ta timeka.’

Swivuriso 24:20

hikuva lavo homboloka, va nge hanyi ku ya kule, ni rivoni ra vadyohi ri ta timiwa.

Swivuriso 20:20

Munhu loyi a rhuketelaka tata wa yena kumbe mana wa yena, rivoni ra yena ri ta timeka exinyamini lexikulu.

Swivuriso 13:9

Rivoni ra lavo lulama ri pfurha minkarhi hinkwayo, kambe ra lavo homboloka ri ta timeka.

Pisalema 32:10

Vanhu lavo homboloka va wela hi maxangu layo tala, kambe lava tshembaka HOSI Xikwembu, va sirheleriwa hi rirhandzu ra xona lero tshembeka.

Ntirho 18:18

Ú susiwa eku vonakaleni, a hoxiwa exinyamini, va n'wi hlongola a suka emisaveni.

Ntirho 21:30

Va ri, munhu wo homboloka wa pona emakhombyeni, siku Xikwembu xi hlundzukaka, yena wa tsetseleriwa.

Ntirho 31:2

Xana Xikwembu xa le matilweni vanhu xi va hakerise ku yini, Lowa-matimba-hinkwawo ú va avele yini ke?

Ntirho 31:3

Xana ku herisiwa a hi ka lavo homboloka xana? Makhombo, a hi ya lava endlaka leswo biha ke?