Ntirho 21:12 - BIBELE Mahungu Lamanene

¹² Va yimbelela va ri karhi va chaya swingomana ni switende, va ba ni tinanga va tsakile ngopfu,

Xitsonga (Bibele)

¹² Va yimba miloti ya swingomana ni mandzandzana, Va titsakisa hi vunanga.

Ntirho 21:12 Referans Kwoze

Esaya 5:12

Eminkhubyeni ya vona va nwa vhinyo va ri karhi va chaya switende hi tiharipa ni swingomana ni tinanga; kambe mintirho ya HOSI Xikwembu a va na mhaka na yona, ni leswi xi swi endleke, a va swi voni.

Genesa 4:21

Makwavo wa Yabala a a ri Yubala, tata wa hinkwavo lava chayaka switende ni tinanga.

Esaya 22:13

Kambe ematshan'wini ya sweswo, ku vile ni ntsako, ku biwa minkulungwana, ku tlhaviwa tihomu ni tinyimpfu, ku dyiwa tinyama, ku nwiwa ni vhinyo, vanhu va ku: “A hi dyeni, hi nwa, ha ha hanya!”

Genesa 31:27

Hikwalaho ka yini u balekile kunene, u tlhela u ndzi kanganyisa xana? Hikwalaho ka yini u nga ndzi tivisanga xana? A ndzi ta va ndzi lelanile na wena hi ntsako, hi yimbelela hi chaya swingomana ni switende!

Ntirho 21:11

Vana va vona ni vatukulu, va va tshika va tihuhela, va cina va tsakile, va tlula-tlula kukota swimbutana.

Ntirho 21:13

Vutomi bya vona hinkwabyo, va hanya emafurheni, va rhelela va ya esirheni va nga karhatekanga.

Pisalema 150:4

Xi dzuniseni hi ku cina mi ri karhi mi ba swingomana, xi dzuniseni hi switende, mi chaya ni tinanga.