Ntirho 20:7 - BIBELE Mahungu Lamanene

⁷ ú ta lova a nyamala, kukota vulongo bya yena; lava a va n'wi tiva, va ta vutisa va ku: ‘Sweswi ú le kwihi ke?’

Xitsonga (Bibele)

⁷ U ta hela kukota vulongo bya yena hilaha ku nga heriki. Lava n'wi voneke va ta ku: ‘U kwihi?’

Ntirho 20:7 Referans Kwoze

Pisalema 83:10

va nga valala lava u va hlaseleke emutini wa Eni-Dori, lava mintsumbu ya vona yi boleleke kona.

Ntirho 14:10

Kasi munhu yena wa fa, a latiwa esirheni; loko a khalutile, a nga ha kumeki.

2 TIHOSI 9:37

ntsumbu wa yena wu ta fana ni vulongo, ensin'wini ya muti wa Yizriele; kutani vanhu a va nga n'wi tivi leswaku hi yena Yezabele.’ ”

1 TIHOSI 14:10

“ ‘Hikokwalaho, yingisa we Yerobuwamu! Ndzi ta vanga makhombo endyangwini wa wena. Ndzi ta ku tekela vanhu hinkwavo va xinuna, lava nga mahlonga ni lava ntshunxekeke etikweni ra Israele. Ndzi ta herisa hi ndzilo swihluke swa ndyangu wa wena, ku fana ni loko va hisa mavivi, va ma herisa.

Yeremiya 8:2

kutani ma ta hangalasiwa erivaleni, ehansi ka dyambu ni n'weti ni tinyeleti hinkwato, swi nga swilo leswi Vaisraele va swi rhandzaka ni ku swi tirhela, leswi va swi landzelelaka, va swi vutisa timhaka ni ku swi nkhinsamela. Marhambu lawa a ma nga ha hlengeletiwi kumbe ku lahliwa emasirheni, kambe ma ta fana ni vulongo loko byi cheriwile emasin'wini.

Ntirho 8:18

kambe siku vasandzi lava va susiwaka etikweni ra vona, varikwavo va ta va landzula va ku: ‘A hi si tshama hi mi vona!’

Ntirho 7:10

mufi a nga ha vuyi endlwini ya yena, varikwavo a va ha n'wi tivi.

Ntirho 4:20

Munhu hambi o vona ku xa ka rona, ku pela ka rona a nga ha ku voni; ú lovela makumu, a nga ha tsundzukiwi hi munhu ni un'we.

Ntirho 14:20

Minkarhi hinkwayo wa n'wi hlula, a fa a nyamalala, u onha xiyimo xa yena, u n'wi hlongolela makumu.

Ntirho 27:19

Van'wankumi va ya eku etleleni va ha fumile, kambe loko va pfuka, swi nyamalarile!

Esaya 41:12

Lava holovaka na n'wina, mi ta va lava, mi va pfumala, lava va mi hlaselaka, a va nga ha vi kona, va ta nyamalala,

Obadiya 1:4

Kambe mina HOSI, ndzi vurisa sweswo ndzi ri: Hambiloko mi haha mi ya henhla kukotisa gama, niloko mi aka xisaka xa n'wina exikarhi ka tinyeleti, ndzi ta mi hawula!

Ntirho 14:14

Loko munhu a a kota ku fa a tlhela a hanya, a ndzi ta tiyisela emaxangwini ya mina hinkwawo, ndzi yimela ku ntshunxiwa eka wona.

Ntirho 21:28

hikuva mi ri: ‘Yi kwihi yindlu ya nganakana, ntsonga wa lowo homboloka wu kwihi xana?’

Pisalema 41:5

Valala va mina va luka mano va ku: “Xana ú ta fa rini munhu loyi, hi ta ka hi nga ha vulavuli hi yena!”

Pisalema 112:10

Lavo homboloka va swi vona, kutani va kariha, va mpfhumpfhela lavo lulama, kambe va hela ntamu, makungu ya vona ma helela empfhukeni.