Ntirho 20:18 - BIBELE Mahungu Lamanene

¹⁸ Mihandzu ya ku tikarhata ka yena, a nge yi dyi. a nge tiphini hi ntswalo wa bindzu ra yena,

Xitsonga (Bibele)

¹⁸ U ta tlherisa bindzu ra yena, a nga ka a nga ha fuwi nchumu, U ta tlherisa leswi a swi tekeke, a nga ha swi tsakeli.

Ntirho 20:18 Referans Kwoze

Yeremiya 51:44

HOSI Xikwembu xi ri: “Ndzi ta avanyisa Bele, xikwembu xa va le Babilona, ndzi xi sindzisa ku hlanta leswi xi swi miteke, kutani vamatiko va ta tshika ku tshirimukela eka xona! Hambi ri ri rirhangu ra Babilona ri ta wa!

Yeremiya 22:13

Ú ni khombo munhu loyi a tiakelaka muti hi tindlela leto homboloka, loyi a wu kurisaka a ri karhi a tlula nawu: Ú sindzisa van'wana ku n'wi tirhela a nga va hakeli, a va tsona muholo wa vona!

Swivuriso 1:12

A hi va miteni va ri karhi va hanya, va fambisa sweswo, va rhelela ekheleni ra xivandla xa vafi.

Ntirho 20:15

Ú mita rifuwo, a tlhela a ri hlanta, Xikwembu xi ri humesa endzeni ka yena.

Ntirho 20:10

Vana va yena va ta rihela swisiwana, ú ta boheka ku phakela rifuwo ra yena hi mavoko ya yena n'wini.

Matewu 23:24

N'wina vafambisi lavo-fe-mahlo, mi ungula nsuna, kambe mi mita kamela!

Matewu 23:13

“Mi ni khombo n'wina vatsari ni Vafarisi, hikuva mi vakanganyisi: Mi alela vanhu ku nghena eMfun'weni wa matilo. N'wina a mi ngheni eka wona, naswona lava ringetaka ku nghena ma va sivela. [

Yeremiya 51:34

Muti wa Yerusalema wu ri: “Nebukadnetsara hosi ya Babilona ú ndzi dyile a ndzi phorha; ú ndzi endlile xibya xo ka xi nga ri na nchumu. Ú ndzi mitile onge a ri xihontlovila, a tata khwiri ra yena hi vanhu va mina, lava saleke a va cukumeta kule na yena.

Yeremiya 22:17

Kasi wena u langutela ni ku anakanya ntsena ku tikumela rifuwo; u fuma vanhu hi tihanyi, u va xanisa, u dlaya lava nga riki na nandzu.”

Ntirho 31:29

“Xana ndza tsaka loko valala va mina va herisiwa, kumbe loko va wela emakhombyeni xana?

Ntirho 31:25

Xana ndzi lo tikurisa hi rifuwo ra mina, ndzi tsakela hinkwaswo leswi ndzi nga tikumela swona xana?

Ntirho 20:5

minkulungwana ya lowo homboloka a yi hlweli ku hela, ntsako wa loyi a rivalaka Xikwembu, i wa nkarhinyana ntsena.

Amosi 8:4

Yingisani mhaka leyi, n'wina lava mi kandziyelaka swisiwana ehansi, n'wina mi herisaka vapfumari etikweni:

Hosiya 9:1

N'wina vanhu va tiko ra Israele, mi nga tshuki mi tsaka, mi nga bi minkulungwana ku fana ni vamatiko, hikuva mi tihambanisile ni Xikwembu xa n'wina, mi tinyiketa eka va Baali kukota tinghwavava, mi tsakisiwa hi mavele ya le swivuyeni hinkwaswo, yi nga hakelo ya vunghwavava bya n'wina.

Ezekiele 7:12

Nkarhi wa ta, ni siku ri fikile, laha muxavi a nga ta ka a nga ha tsaki, ni laha muxavisi a nga ta ka a nga vileli, hikuva vukari bya mina byi ta wela mintshungu ya Vaisraele.

Swirilo 2:16

Valala va wena hinkwavo va ku hlekula, va ku bela miloti, va ku mpfhumpfhela, va ri karhi va ku: “Hi n'wi khawurisile! Siku leri i khale hi ri languterile, ri fikile, ha ri vona!”

Ntirho 27:17

swi ta ambariwa hi lavo lulama, mali yona yi ta phakeriwa lava nga riki na nandzu.

Ntirho 31:8

leswi ndzi swi byaleke, a swi dyiwe hi van'wana, kumbe swi tsuvuriwa kunene!

Swivuriso 21:20

Mafurha ni xuma lexinene, swi kumeka emutini wa munhu wo tlhariha, kasi xiphunta xi hatla xi dya, xi heta.

Duteronoma 28:30

“Vasati mi ta vuta, kambe vavanuna van'wana va ta va pfinya va etlela na vona; ni tindlu mi ta aka, kambe mi nge tshami eka tona; ni masimu ya vhinya mi ta rima, kambe mi nge yi voni mihandzu ya kona.

Duteronoma 28:33

Swa le masin'wini ya n'wina ni mihandzu ya nyuku wa n'wina, swi ta dyiwa hi vanhu lava mi nga va tiviki. Vutomi bya n'wina hinkwabyo mi ta va eku xanisekeni, mi tshikeleriwa,