Ntirho 2:11 - BIBELE Mahungu Lamanene

¹¹ Yobo a a ri ni vanghana vanharhu: Elifasi wa le Temani, na Bilidada wa le Xuwaka, na Sofara wa le Naamani. Loko vanhu lava va twa ta makhombo hinkwawo lama weleke Yobo, va twanana ku ya n'wi chavelela ni ku n'wi tiyisa nhlana, kutani va fambisa sweswo va ya eka yena.

Xitsonga (Bibele)

¹¹ Vanakulobye va Yobo ha vanharhu, va twa khombo leri n'wi weleke, kutani un'wana ni un'wana a suka eka rikwavo, Elifasi wa ka Temani, Bilidada wa ka Xuwaka, na Sofara wa ka Naama, va hlangana marito, va ta swin'we ku ta tsetsa Yobo ni ku n'wi chavelela.

Ntirho 2:11 Referans Kwoze

Varhoma 12:15

Tsakani ni lava tsakaka, mi rila ni lava rilaka.

Ntirho 42:11

Kutani vamakwavo hinkwavo va xinuna ni va xisati, ni hinkwavo lava va n'wi tiveke ku sukela khale, va ta emutini wa yena, va n'wi endlela nkhuvo, va ri karhi va n'wi puta vusiwana ni ku n'wi chavelela, hikwalaho ka makhombo lawa HOSI Xikwembu xi n'wi vangeleke wona. Un'wana ni un'wana a n'wi nyika malinyana ni xingwavila xa nsuku.

Yeremiya 49:7

Ta va le Edomu hi leti: HOSI ya matimba hinkwawo yi vurisa sweswo, yi ri: “Xana vanhu va le Temani a va ha ri na vutlhari ke? Vatsundzuxi va vona va lahlekeriwe hi mano xana? Xana vutlhari bya vona byi lo nyamalala xana?

Swivuriso 17:17

Loyi a nga nakuloni, wa ku rhandza minkarhi hinkwayo, loko u ri ekhombyeni, i makwenu wa xiviri.

Ntirho 6:14

Yobo a engeta a ku: “Munhu la alaka ku tsetselela nakulobye, ú sandza Xikwembu-xa-matimba-hinkwawo.

1 Vakorinto 12:26

Loko xirho xin'wana xi twa ku vava, swirho hinkwaswo swi vaviseka na xona; ni loko xirho xin'wana xi dzunisiwa, swirho hinkwaswo swi tsaka na xona.

Genesa 25:2

Kutani Ketura a velekela Abrahama vana lava: Zimrana, na Yokixani, na Medani, na Midiyani, na Yixibaka, na Xuwaka.

Yohane 11:19

Kutani Vayuda lavo tala a va tile ka Marta na Mariya ku ta va chavelela hikwalaho ka rifu ra makwavo wa vona.

Ntirho 19:21

“N'wina vanakulorhi, ndzi tweleni vusiwana, ndzi ri, ndzi tweleni vusiwana, hikuva Xikwembu xi ndzi bile.

Ntirho 16:2

“Marito lawa mi ndzi byelaka wona, ndzi ma twile khale, hinkwenu a mi vachaveleri va nchumu!

Ntirho 6:19

Mintlawa yo huma eTema yi le ku laveni ka mati, ya le Xeba yi ni ku tshemba leswaku yi ta ma kuma,

1 TIKRONIKA 1:32

Ketura nsati lontsongo wa Abrahama a veleka vana lava: Zimrana, na Yokixani, na Medani, na Midiyani, na Yixibaka, na Xuwaka. Vana va Yokixani i Xeba na Dedani.

Genesa 37:35

Vana va yena hinkwavo va xinuna ni va xisati va ya va ya n'wi khongotela, kambe yena a ala ku khongoteriwa, a ku: “E-e, ndzi ta kala ndzi fa ndzi landza n'wananga exivandleni xa vafi ndza ha rila.” Kutani Yakobo a rila n'wana wa yena hi ndlela yoleyo.

Genesa 36:15

Vatukulu va Esawu a va ri tindhuna. Vana va Elifasi mativula ya Esawu lava a va ri tindhuna, hi lava: Temani, na Omara, na Sefo, na Kenazi,

Genesa 36:11

Vana va Elifasi hi lava: Temani, na Omara, na Sefo, na Gatamu, na Kenazi.

Vaheveru 13:3

Anakanyani lava nge khotsweni, ku fana ni loko onge na n'wina mi ri ekhotsweni na vona; kutani ni lava va xanisiwaka, mi fanele ku titwa mi ri na vona, hikuva na n'wina mi ni miri.

Esaya 51:19

U humeleriwile hi makhombo mambirhi: u mbundzumuxiwile u herisiwa, vanhu va wena va file hi ndlala ni fumu; xana i mani la nga ta ku khongotela, u ta chavelela hi mani xana?

Swivuriso 27:10

Vanghana va wena ni vanghana va tata wa wena, u nga va tshiki; u nga tikarhati hi ku ya emutini wa makwenu hi siku ra khombo, hikuva makwenu la nga kule, ú tlula hi munhu loyi u vandzakaneke na yena.

Swivuriso 18:24

Vanhu vo tala va nga tiendla vanghana va wena, kambe exikarhi ka vona, i un'we ntsena loyi a ku rhandzaka kukota makwenu.

Ntirho 42:7

Kuteloko HOSI Xikwembu xi hetile ku vulavula na Yobo, xi byela Elifasi wa le Temani xi ku: “Wena ni vanghana va wena lavambirhi, mi ndzi hlundzukisile, hikuva mi ndzi lumbetile, mi nga fani na Yobo nandza wa mina.

Ntirho 19:19

Vanghana va mina hinkwavo va ndzi hundzukele, ndzi tshikiwa hi lava a va ndzi rhandza khale.

Ntirho 18:1

Kavaloko Bilidada wa le Xuwaka a hlamula a ku:

Ntirho 16:20

Vanghana va mina va ndzi hlekula, kutani ndzi rila ndzi langutile eka Xikwembu.

Ntirho 15:1

Kutani Elifasi wa le Temani a ku:

Ntirho 13:4

N'wina mo tlhandleka mavunwa ehenhla ka mavunwa, vun'anga bya n'wina hinkwenu i bya hava.

Ntirho 8:1

Kutani Bilidada wa le Xuwaka a hlamula a ku:

1 TIKRONIKA 1:45

Loko Yobabu a fa, Huxama wa le tikweni ra Vatemani a sala a fuma.

1 TIKRONIKA 7:22

Tata wa vona Efrayimi a va rila masiku layo tala, hiloko vamakwavo va ya va ya n'wi chavelela.

Ntirho 42:9

Hiloko Elifasi wa le Temani, na Bilidada wa le Xuwaka, na Sofara wa le Naamani, va ya endla hilaha HOSI Xikwembu xi va leriseke hakona, kutani xona xi amukela xikhongelo xa Yobo.

Obadiya 1:9

Tinhenha ta wena, we muti wa Temana, ti ta rhurhumela hi ku chava, kutani vavanuna hinkwavo va le Edomu va ta dlayiwa.”

Genesa 36:34

Loko Yobabu a fa, Huxama wa le tikweni ra Vatemani, a sala a fuma.

Yoxuwa 15:41

na Gederoti, na Beta-Dagoni, na Naama, na Makeda; Miti ni swimitana swa yona i 16.

Ntirho 4:1

Kutani Elifasi wa le Temani a sungula ku vulavula, a ku:

Ntirho 11:1

Kutani Sofara wa le Naamani a hlamula a ku: