Ntirho 19:6 - BIBELE Mahungu Lamanene

⁶ Kambe swi tiveni: I Xikwembu xi ndzi vangelaka khombo leri, xi ndzi khubumetile hi ritavala ra xona.

Xitsonga (Bibele)

⁶ Twisisani leswaku i Xikwembu lexi ndzi landzeke,

Ntirho 19:6 Referans Kwoze

Hosiya 7:12

Ndzi ta andlala ritavala ra mina ehenhla ka vona, loko va ri karhi va rhendzeleka ni matiko; ndzi ta va phasa ku fana ni tinyanyana, ndzi va ba, ndzi va bela mintirho ya vona leyo homboloka.

Ezekiele 32:3

Hikokwalaho mina HOSI N'wini wa hinkwaswo ndzi ri: Ndzi ta tlharamula ritavala ndzi ku khubumeta, vamatiko lavo tala va ku rhendzerile; ndzi ta ku tsavula ematini hi rikoka ra mina,

Ezekiele 12:13

Mina ndzi ta tlharamula ritavala ndzi n'wi phasa ha rona, ndzi n'wi yisa emutini wa Babilona etikweni ra Vakalediya, kutani yena ú ta ya fela etikweni rero a nga ha ri na mahlo.

Ntirho 27:2

“Ndzi hlambanya hi Xikwembu lexi hanyaka, lexi-nga-ni-matimba-hinkwawo, xona xi alaka ku ndzi lwela, xi ndzi dyisaka ni mbitsi, ndzi ri:

Ntirho 7:20

Ndza swi tiva, ndzi mudyohi, kambe a ndzi dyoheli wena, we mukamberi wa vanhu. Xana u ndzi copela yini hi miseve ya wena, ndzi ku tikela ha yini xana?

Luka 21:20

“Kutakuloko mi vona muti wa Yerusalema wu rhendzeriwile hi mavuthu ya valala, tivani leswaku ku hangalasiwa ka wona ku kusuhi.

Ntirho 3:23

Ndzi wanuna la nga lahlekela hi ndlela, hikuva Xikwembu xi yi sivile matlhelo hinkwawo.

Ntirho 6:29

Tivoneleni, mi nga ndzi dyoheli, ndzi ri, tivoneleni, nandzu mina ndzi hava!

Ntirho 10:3

Xana eka wena i mhaka yo saseka loko u ndzi tshikelela, u sola ntirho wa mavoko ya wena, u ri karhi u katekisa makungu ya lavo homboloka xana?

Ntirho 19:22

Leswi Xikwembu xi ndzi salaka ndzhaku, ndzi tshikeni, ma ha ndzi xanisela yini ke?

Ntirho 30:21

U hundzukile la nga ni nsele eka mina, u ndzi ba ku tlula mpimo.

Ntirho 40:8

Xana u nga ndzi veka nandzu, u ndzi lumbeta, wena u sala u ri la lulameke, xana?

Ntirho 8:3

Xana Xikwembu-xa-matimba-hinkwawo xi tshama xi tlula nawu, xi tshika ni ku endla leswi lulameke xana?