Ntirho 18:5 - BIBELE Mahungu Lamanene

⁵ “Hakunene, lowo homboloka ú tekeriwa ku vonakala, ndzilo wa timeka exitikweni xa yena.

Xitsonga (Bibele)

⁵ “Ku vonakala ka lowo biha ku ta timeka, Kutani malangavi ya ndzilo wa yena ma nga ka ma nga pfurhi.

Ntirho 18:5 Referans Kwoze

Swivuriso 13:9

Rivoni ra lavo lulama ri pfurha minkarhi hinkwayo, kambe ra lavo homboloka ri ta timeka.

Swivuriso 24:20

hikuva lavo homboloka, va nge hanyi ku ya kule, ni rivoni ra vadyohi ri ta timiwa.

Swivuriso 20:20

Munhu loyi a rhuketelaka tata wa yena kumbe mana wa yena, rivoni ra yena ri ta timeka exinyamini lexikulu.

Ntirho 21:17

“Lavo homboloka a va tali ku tekeriwa ku vonakala, kumbe ku humeleriwa hi makhombo; a va tali ku weriwa hi vukari bya Xikwembu.

Esaya 50:11

Kambe n'wina hinkwenu mi tshamaka van'wana xikungu mi lava ku va herisa, hi n'wina mi nga ta herisiwa. HOSI Xikwembu, hi xona xi nga ta endla swilo leswi, mi ta weriwa hi makhombo layo chavisa swinene.

Swivuriso 4:19

Kambe mahanyelo ya lavo homboloka i xinyami lexikulu, ni leswi swi va khugulaka, a va swi tivi!

Ntirho 20:5

minkulungwana ya lowo homboloka a yi hlweli ku hela, ntsako wa loyi a rivalaka Xikwembu, i wa nkarhinyana ntsena.

Ntirho 18:4

Hi ku hlundzuka ka wena loku, u tivangela ku vaviseka. Xana misava yi fanele ku onhiwa, kumbe maribye ma fanele ku yimburiwa ku tsakisa wena ke?

Esaya 57:20

Kambe lavo homboloka va ta dlita-dliteka ku fana ni mati ya lwandle lama nga wisiki, ma humesa ndzhope ni thyaka.

Ezekiele 32:7

Siku ndzi ku herisaka, ndzi ta pfala tilo hi xinyami, ndzi tima ni tinyeleti; ndzi ta siva dyambu hi mapapa, n'weti a wu nga ha voningi.

Ntirho 15:30

rifu ri nge n'wi sukeli, ndzilo wu ta hisa swihluke swa yena, matluka ya yena ma ta haha hi moya.

Swivuriso 21:4

Ku tikurisa ni manyunyu i rivoni ra lavo homboloka, kambe swa va dyohisa.