Ntirho 17:13 - BIBELE Mahungu Lamanene

¹³ Ndzi nga tshemba yini ke? Xivandla xa vafi xi ta va yindlu ya mina, xinyami xi ta va nkumba wa mina ehansi.

Xitsonga (Bibele)

¹³ Kutani ndzi langutile tlhelo ra vafi leswaku yi va yindlu ya mina, Ndzi andlarile masangu ya mina tlhelo ra munyama.

Ntirho 17:13 Referans Kwoze

Esaya 57:2

kutani va ya nghena laha ku nga ni ku rhula; lava endlaka leswo lulama, va kuma ku wisa loko va fa.

Pisalema 139:8

Loko ndzi tlhandlukela ematilweni, wena u kona, ni loko ndzi ya etlela exivandleni xa vafi, na kwalaho u kona!

Pisalema 27:14

Tshemba HOSI, u tiya nhlana; u nga tsekatseki, ina tshemba HOSI!

Ntirho 30:23

Ndza swi tiva, u ndzi kongomisa esirheni, exivandleni lexi vanhu hinkwavo va hlengeletiwaka eka xona.

Ntirho 17:1

“A ndza ha koti nchumu, masiku ya mina ya ku hanya ma herile, ndzi langutane na sirha ntsena.

Ntirho 14:14

Loko munhu a a kota ku fa a tlhela a hanya, a ndzi ta tiyisela emaxangwini ya mina hinkwawo, ndzi yimela ku ntshunxiwa eka wona.

Ntirho 3:13

Loko a ndzi lo fa, ingi ndzi wisile, a ndzi ta va ndzi etlele, ndzi hambana ni maxangu,

Ntirho 7:9

Munhu la rhelelaka a ya exivandleni xa vafi, a nga ha vuyi, ú fana ni papa leri hundzaka ri nyamalala;

Ntirho 17:12

Vanghana va mina va ri: ‘Vusiku i nhlekanhi, ku vonakala ku le kusuhani’, kasi va le munyameni.

Eklesiasta 12:5

Ú ta chava ku khandziya ntshava, a chava ni ku khoma ndlela. Murhi wa alimondi wa ha ta hluka, njiya ya ha ta thamuka yi xurhile, tindzhoho ta kaperi ta ha ta vupfa ti baleka, kambe munhu yena, ú tiyela lomu ku nga ha vuyiwiki; lava nga ta n'wi rila, va sungurile ku rhendzeleka emutini.

Ntirho 6:11

Xana ndza ha hanyela yini xana? Swi nga antswa ndzi timeka ndzi hambana na swona.