Ntirho 16:4 - BIBELE Mahungu Lamanene

⁴ Hiswona! Loko n'wina a mo va ekhombyeni leri ndzi nga ka rona, na mina a ndzi ta vulavula kukota n'wina; a ndzi ta longoloxa marito yo mi tlhava, ndzi mi hlakahlela ni nhloko.

Xitsonga (Bibele)

⁴ Na mina a ndzi ta vulavula kukotisa n'wina, Loko ngi mi ri exitshan'weni xa mina, A ndzi ta luka timhaka ehenhla ka n'wina, Ndzi nonon'hwisa nhloko eka n'wina,

Ntirho 16:4 Referans Kwoze

Pisalema 109:25

Eka valala va mina, ndzo va xihlekiso, loko va ndzi vona, va hlakahla tinhloko va ntlokola.

Pisalema 22:7

Hinkwavo lava va ndzi vonaka, va ndzi hlekula, va minyula, va hlakahla ni tinhloko, va ku:

Swirilo 2:15

Hinkwavo lava hundzaka hi ndlela va ku yowetela, we Yerusalema, va ku chayela miloti, va hlakahla ni tinhloko va ku: “Xana lowu hi wona muti lowu khale a wu vuriwa mbhurhi ya timbhurhi, xitsakiso emisaveni hinkwayo xana?”

Yeremiya 18:16

Hikokwalaho tiko ra vona ri hundzuke rhumbi, hinkwavo vahundzi va ndlela va ri hlamala, minkarhi hinkwayo va vaviseka ha rona, va hlakahla ni tinhloko.

2 TIHOSI 19:21

Kutani rito ra mina HOSI ehenhla ka Senakeribi, hi leri: “ ‘Muti wa Siyoni, nhwana loyi wo saseka, wa ku hleka ni ku ku monya, we Senakeribi. Va Yerusalema va sala va tshwutela marha loko u hundzile.

1 Vakorinto 12:26

Loko xirho xin'wana xi twa ku vava, swirho hinkwaswo swi vaviseka na xona; ni loko xirho xin'wana xi dzunisiwa, swirho hinkwaswo swi tsaka na xona.

Varhoma 12:15

Tsakani ni lava tsakaka, mi rila ni lava rilaka.

Matewu 7:12

Hikokwalaho hinkwaswo leswi mi lavaka leswaku vanhu va mi endla swona, va endleni swona na n'wina, hikuva hi swona leswi dyondzisiwaka hi Nawu ni Vaprofeta.

Sofoniya 2:15

Lowu i muti lowu a wu tikurisa ngopfu, wu titwa wu hlayisekile; vaaki va wona a va hamba va ku: “Hina hi hina, a ku na van'wana!” Kambe sweswi wu hundzukile rhumbi ro chavisa, ni kaya ra swiharhi swa nhova; hinkwavo lava hundzaka hi ndlela, va wu hlekula, va hlakahla tinhloko.

Eklesiasta 10:14

Xiphunta xi vulavula ngopfu, hambileswi munhu a nga tiviki leswi nga ta humelela mundzuku, hambileswi a nga twisisiki leswi nga ta va kona loko a hundzile.

Swivuriso 10:19

Ku tata marito, swi vanga swihoxo, kambe loyi a kotaka ku tikhoma, ú ni mianakanyo leyinene.

Pisalema 44:14

U hi hundzurile xihlambanyiso exikarhi ka vanhu, loko va hi vona, va hlakahla tinhloko.

Ntirho 35:16

We Yobo, marito lawa ya wena i matlangwana, u phyaphyarha hi leswi u nga swi tiviki!”

Ntirho 11:2

“Xana marito yo tarisa leswi a ma hlamuriwi xana? Xana munhu a nga tiendla la lulameke hi ku vulavula ngopfu xana?

Ntirho 6:14

Yobo a engeta a ku: “Munhu la alaka ku tsetselela nakulobye, ú sandza Xikwembu-xa-matimba-hinkwawo.

Ntirho 16:5

Kambe eku heteleleni a ndzi ta mi chavelela, ndzi mi khongotela eku vavisekeni ka n'wina.

Esaya 37:22

rito ra mina HOSI ehenhla ka Senakeribi, hi leri: “ ‘Muti wa Siyoni, nhwana loyi wo saseka, wa ku hleka ni ku ku monya, wena Senakeribi; va Yerusalema va sala va tshwutela marha, loko u hundzile.

Yeremiya 48:27

N'wina va le Mowabu, tsundzukani hilaha mi hlekuleke Vaisraele hakona: Loko mi kanela ta vona, a mi hlakahla tinhloko, onge hi loko mi vulavula hi ta swigevenga!

Pisalema 22:8

“Wena u ri u titshembele HOSI Xikwembu! Loko hakunene xi ku tsakela, a xi ku ponise, xi ku kutsula.”