Ntirho 16:11 - BIBELE Mahungu Lamanene

¹¹ Xikwembu xi ndzi nyiketile eka vanhu va tihanyi, xi ndzi tshikile emavokweni ya lavo homboloka.

Xitsonga (Bibele)

¹¹ Xikwembu xi ndzi nyiketile emavokweni ya timbabva, Xi ndzi hoxile emandleni ya lavo biha.

Ntirho 16:11 Referans Kwoze

Pisalema 31:8

A wu ndzi nyiketanga eka valala va mina, u ndzi famba-fambisile hinkwako hi ku ntshunxeka.

Pisalema 27:12

U nga pfumeli leswaku valala va mina va tlanga hi mina, vona lava va ndzi lumbetaka etihubyeni, lava vulavulaka ku ndzi endla tihanyi.

2 Vakorinto 12:7

Kutani ku endlela leswaku ndzi nga tikurisi ngopfu hikwalaho ka ku saseka lokukulu ka leswi Xikwembu xi nga swi hlavutela eka mina, ndzi nghenisiwile riphantsu enyameni, yi nga ntsumi ya Sathana, leswaku yi ndzi himetela.

Varhoma 11:32

Hikuva Xikwembu xi endlile leswaku vanhu hinkwavo va tsandzeka ku yingisa, leswaku xi ta kota ku va tsetselela hinkwavo.

Yohane 19:16

Hiloko Pilato a va nyiketa Yesu, leswaku a vambiwa. Va teka Yesu,

Pisalema 7:14

Hi luya lowo homboloka, u ehleketa ku dyoha, manyala u lo hliki, hi wona, u humesa mavunwa ntsena.

Ntirho 2:7

Hiloko Sathana a suka emahlweni ka HOSI Xikwembu, kutani a ya ba Yobo hi vuvabyi byo chavisa bya nhlonge, byi n'wi khoma miri hinkwawo.

1 SAMIELE 24:18

Namuntlha u kombisile vunene lebyi a wu ndzi tirhela ha byona, hikuva hambileswi HOSI Xikwembu a xi ndzi nyiketile emavokweni ya wena, a wu ndzi dlayanga.

Ntirho 9:24

Xikwembu xi nyiketile misava emavokweni ya lavo homboloka, vaavanyisi va timhaka ehubyeni, xi va sive mahlo. Loko ku nga ri xona xi endlaka sweswo, ku ta va ku ri mani xana?

Ntirho 10:3

Xana eka wena i mhaka yo saseka loko u ndzi tshikelela, u sola ntirho wa mavoko ya wena, u ri karhi u katekisa makungu ya lavo homboloka xana?

Ntirho 16:10

Vanhu va ndzi monya, va ndzi lumbeta, va hlengeletana, va ndzi makala.

Ntirho 16:12

Khale a ndzi tshamisekile, kambe Xikwembu xi ndzi tshovelerile; xi ndzi khome hi nhamu, xi ndzi tlatlalata; xi ndzi cope hi miseve,

Ntirho 19:6

Kambe swi tiveni: I Xikwembu xi ndzi vangelaka khombo leri, xi ndzi khubumetile hi ritavala ra xona.

Ntirho 19:22

Leswi Xikwembu xi ndzi salaka ndzhaku, ndzi tshikeni, ma ha ndzi xanisela yini ke?

Ntirho 27:2

“Ndzi hlambanya hi Xikwembu lexi hanyaka, lexi-nga-ni-matimba-hinkwawo, xona xi alaka ku ndzi lwela, xi ndzi dyisaka ni mbitsi, ndzi ri:

Ntirho 40:8

Xana u nga ndzi veka nandzu, u ndzi lumbeta, wena u sala u ri la lulameke, xana?