Ntirho 16:10 - BIBELE Mahungu Lamanene

¹⁰ Vanhu va ndzi monya, va ndzi lumbeta, va hlengeletana, va ndzi makala.

Xitsonga (Bibele)

¹⁰ Va ahlamisile milomu ya vona ngopfu ehenhla ka mina ku ndzi hlota, Va ndzi rhukana, va ndzi phakata marhama, Va hlangene ku lwa na mina.

Ntirho 16:10 Referans Kwoze

Pisalema 35:15

Kambe loko mina ndzi khuguka ndzi wa, va tsaka ngopfu, va hlengeletana, va ta ku ta lwa na mina; va tiendla vanhu vambe lava ndzi nga va tiviki, va tshamela ku ndzi sandza.

Pisalema 22:13

va pfula milomo ya vona kukota tinghala leti bongaka, leti lavaka ku ndzi handzulela.

Timhaka 23:2

Kavaloko Ananiya Muprista lonkulu, a lerisa lava a va ri kusuhi na Pawulo leswaku va n'wi ba nomo.

Mikiya 5:1

“Kambe mi ta rhanga mi tixekelela mi rila nkosi, n'wina vaaki va Yerusalema lava tshembaka matlhari, hikuva valala va ta mi rhendzela, va khoma mufumi wa Israele, va n'wi ba tinhlaya hi nhonga.”

Swirilo 3:30

a a kangatele rhama eka loyi a n'wi baka, a amukela ni ku rhukaniwa.

Esaya 50:6

Ndzi pfumerile ku korhama ndzi biwa hi valala, ni loko va ndzi hlurhulela malebvu, ndzi kangaterile; a ndzi chavanga ku rhuketeriwa ni ku tshwuteriwa marha.

2 Vakorinto 11:20

Loko munhu a mi endla mahlonga, ni loko a mi dyelela, ni loko a phangha swa n'wina, ni loko a mi langutela hansi, ni loko a mi yakasa, ma swi amukela hinkwaswo.

1 TIHOSI 22:24

Kutani Sedekiyasi n'wana Kenana a kongoma Mikaya, a n'wi ba hi mpama erhan'wini, a ku: “Xana moya wa HOSI Xikwembu wu sukile rini eka mina ku ta vulavula na wena ke?”

Timhaka 4:27

“Hikuva kunene Heroda, na Pontiyo Pilato, ni vamatiko, ni tinxaka ta Israele, va hlangene kun'we emutini lowu ku lwa na Yesu nandza wa wena la hlawulekeke, loyi u nga n'wi endla Mesiya;

Yohane 18:22

Loko Yesu a vurile sweswo, un'wana wa malandza, loyi a a yimile kwalaho, a ba Yesu hi mpama, a ku: “Xana hi rona hlamulele ra wena eka Muprista lonkulu xana?”

Matewu 26:67

Kutani va n'wi tshwutela marha exikandzeni, va n'wi ba hi swibakela, van'wana va n'wi ba hi timpama, va ku:

Pisalema 94:21

Va endla makungu yo herisa lavo lulama, kutani la pfumalaka nandzu va n'wi avanyisela rifu.

Pisalema 35:21

Eku vulavuleni ka vona va ndzi lumbeta ngopfu, va ku: “Hakunene! Hi swi vonile hi ya hina mahlo!”

2 TIKRONIKA 18:23

Kutani Sedekiyasi n'wana Kenana a kongoma Mikaya, a n'wi ba hi mpama erhan'weni, a ku: “Xana moya wa HOSI Xikwembu wu sukise ku yini eka mina ku ta vulavula na wena ke?”

Ntirho 16:11

Xikwembu xi ndzi nyiketile eka vanhu va tihanyi, xi ndzi tshikile emavokweni ya lavo homboloka.

Ntirho 30:12

Ntshungu wu ndzi tela hi le vokweni ra xinene, wu ndzi hlongorisa, wu tilulamisela ku ndzi herisa.

Pisalema 3:7

Pfuka, we HOSI! Xikwembu xanga, ndzi ponise, wena u baka valala va mina hinkwavo emarhameni, wena u tshovaka meno ya lavo homboloka!

Swirilo 2:16

Valala va wena hinkwavo va ku hlekula, va ku bela miloti, va ku mpfhumpfhela, va ri karhi va ku: “Hi n'wi khawurisile! Siku leri i khale hi ri languterile, ri fikile, ha ri vona!”

Pisalema 22:14

Matimba ya mina ma hela kukota mati lama halatiweke, marhambu ya mina hinkwawo ma gudla-gudla, ni mbilu ya mina yi fana ni mafurha lama n'okisiwaka endzilweni.

Pisalema 56:6

Va ndzi tumbelela, va ndzi sala ndzhaku, va xiyaxiya leswi ndzi swi endlaka, hikuva makungu ya vona i ku ndzi dlaya.