Ntirho 15:5 - BIBELE Mahungu Lamanene

⁵ Swidyoho swa wena swi ku nyika marito, u hlawula mavulavulele ya vakanganyisi.

Xitsonga (Bibele)

⁵ Hikuva ku homboloka ka wena ku risa nomu wa wena, Hambi u tekele marito ya vumbabva.

Ntirho 15:5 Referans Kwoze

Yeremiya 9:8

Tindzimi ta vona i miseve leyi dlayaka, va vulavula mavunwa. Un'wana ni un'wana ú tiendla munhu wo rhula loko a vulavula, kambe embilwini ú luka mano yo dlaya muakelani.

Yakobo 1:26

Loko munhu a anakanya leswaku ú ni vukhongeri, kambe a nga fumi ririmi ra yena, munhu loyi wa tixisa, vukhongeri bya yena a byi pfuni nchumu.

Luka 6:45

Munhu lonene ú humesa leswinene exumeni lexinene xa mbilu ya yena, ni munhu lowo biha ú humesa leswo biha exumeni lexo biha xa mbilu ya yena, hikuva nomo wa munhu wu vula leswi mbilu ya yena yi teleke swona.

Pisalema 64:3

hikuva ku vulavula ka vona ka tlhava kukota tlhari leri lotiweke, marito ya vona ma dlaya, onge i miseve leyi nga ni vuxungu.

Ntirho 5:13

Vakanganyisi, xi va phasa hi mano ya vona, xi hatla xi hangalasa marhengu ya vona.

Ntirho 12:6

Emitini ya swigevenga, ku tsakiwile; lava rhuketelaka Xikwembu, va tshamisekile, va ri, xona xi le mavokweni ya vona.

Ntirho 5:12

Hi xona xi onhaka makungu ya lavo tlharihela tlhelo, va nga humeleli eka leswi va swi endlaka.

Ntirho 11:6

a xi ta ku komba swihundla swa vutlhari, hikuva ku twisisa ka xona ka hlamarisa; naswona tiva leswaku Xikwembu a xi ku banga hi ku ya hi vukulu bya swidyoho swa wena.

Ntirho 15:4

Kambe wena Yobo, u onha vukhongeri, u sivela vanhu ku anakanya Xikwembu.

Ntirho 22:5

kambe xi ku bela ku homboloka ka wena lokukulu; swidyoho swa wena, a hi ku tala ka swona!

Ntirho 32:1

Loko Elifasi na Bilidada na Sofara va vona leswaku Yobo a titwa a nga ri na nandzu, va tshika ku hlamulana na yena.

Ntirho 32:2

Mhaka leyi yi hlundzukisa munhu loyi va nge i Elihu, n'wana Barakele wa le Buzi, wa ndyangu wa ka Rhamu. Elihu a a hlundzukela Yobo hileswi a a tivula la nga dyohangiki, a veka Xikwembu enandzu.