Ntirho 14:12 - BIBELE Mahungu Lamanene

¹² Lava feke va nge he pfuki, loko matilo ma nga si nyamalala, va nge pfuxiwi, va nge sisimuki evurhongweni bya vona.

Xitsonga (Bibele)

¹² Hi mukhuva wolowo munhu u etlela a nga ha pfuki, Ku ko ku hela matilo, a nga ka a nga ha pfuki, A nga ka a nga khindlimuki evurhongweni bya yena.

Ntirho 14:12 Referans Kwoze

Nhlavutelo 21:1

Kutani ndzi vona tilo lerintshwa ni misava leyintshwa, hikuva tilo lero sungula ni misava leyo sungula a swi hundzile, ni lwandle a ri nga ha ri kona.

Ntirho 3:13

Loko a ndzi lo fa, ingi ndzi wisile, a ndzi ta va ndzi etlele, ndzi hambana ni maxangu,

Nhlavutelo 20:11

Kutani ndzi vona xiluvelo lexikulu xo basa, na yena loyi a tshameke ehenhla ka xona; loko tilo ni misava swi n'wi vona, swi baleka swi ya kule, kutani ndhawu ya swona a ya ha vanga kona.

2 Petro 3:7

Kambe hi ro rito rero, matilo ni misava ya sweswi, swi hlayiseriwe ku tshwa hi ndzilo, swi yimele siku ra ku avanyisiwa ni ra ku lovisiwa ka vanhu lava nga riki na mhaka na Xikwembu.

Vaefesa 5:14

hikuva xin'wana ni xin'wana lexi kombiwaka leswi xi nga xiswona, xi hundzuka ku vonakala. Hikokwalaho va nge: “Pfuka wena la etleleke, pfuka exikarhi ka vafi, kutani Kriste ú ta ku voninga.”

Timhaka 3:21

ú fanele ku tshama etilweni, ku ko ku fika minkarhi ya ku pfuxetiwa ka swilo hinkwaswo, leyi Xikwembu xi nga yi vula ni khale, hi milomo ya vaprofeta va xona lavo hlawuleka.

Matewu 24:35

Tilo ni misava swi ta hundza, kambe marito ya mina ma nga ka ma nga hundzi.

Esaya 65:17

“Vonani, ndzi tumbuluxa matilo lamantshwa ni misava leyintshwa; swilo leswi humeleleke eminkarhini leyi hundzeke, swi ta rivariwa, a swi nga ha tsundzukiwi.

Esaya 51:6

Tlakusani mahlo mi languta etilweni, langutani ni le hansi emisaveni: Matilo ma ta nyamalala kukotisa musi, na yona misava yi ta hlakala ku fana ni xiambalo, lava akeke ka yona va ta fa kukota tinhongana; kambe mina ndzi ta va muponisi hilaha ku nga heriki, matimba ya mina yo lwela vanhu ma nga ka ma nga heli.

Esaya 26:19

Va ka hina lava feke, va ta tlhela va hanya, va ta huma emasirheni ya vona; hinkwavo lava nga hansi emisaveni, va ta yima va yimbelela hi ntsako, hikuva we HOSI Xikwembu, u fana ni mberha leyi hanyisaka swimilana: U ta endla leswaku lava feke khale, va tlhela va hanya.

Ntirho 30:23

Ndza swi tiva, u ndzi kongomisa esirheni, exivandleni lexi vanhu hinkwavo va hlengeletiwaka eka xona.

Varhoma 8:20

Leswi vumbiweke swi nyiketiwile eka swa hava, ku nga ri hi ku rhandza ka swona, kambe hi ku rhandza ka Loyi a swi nyiketeke. Kambe ku langutela ku kona

Daniele 12:2

Exikarhi ka lava etleleke emasirheni, ku ta pfuka lavo tala; van'wana va ta ya nghena evutomini lebyi nga heriki, kasi van'wana va ta ya eku soriweni, va khomisiwa tingana leti nga heriki.

Esaya 66:22

“Vana va n'wina ni vito ra n'wina, a swi nga nyamalali; swi ta va kona ku fana ni matilo lamantshwa ni misava leyintshwa, leswi ndzi nga ta swi endla.

Eklesiasta 12:5

Ú ta chava ku khandziya ntshava, a chava ni ku khoma ndlela. Murhi wa alimondi wa ha ta hluka, njiya ya ha ta thamuka yi xurhile, tindzhoho ta kaperi ta ha ta vupfa ti baleka, kambe munhu yena, ú tiyela lomu ku nga ha vuyiwiki; lava nga ta n'wi rila, va sungurile ku rhendzeleka emutini.

Pisalema 102:26

Swilo leswi swi ta hela, kambe wena u ta va kona hilaha ku nga heriki. Hinkwaswo swi ta hlakala kukota swiambalo, u ta swi cukumeta ku fana ni switlakati, kutani swi ta nyamalala.

Ntirho 7:21

U alela yini ku ndzi rivalela swidyoho, ni ku susa milandzu ya mina, leswi ndzi nga kusuhi ni ku latiwa esirheni ke? U nge he ndzi kumi, loko u ndzi lava, hikuva ndzi ta va ndzi nga ha ri kona.”

Pisalema 90:5

U kukula vanhu, va hundza laha misaveni kukota norho; va fana ni byanyi lebyi hlukaka nimixo,

Ntirho 7:9

Munhu la rhelelaka a ya exivandleni xa vafi, a nga ha vuyi, ú fana ni papa leri hundzaka ri nyamalala;

Eklesiasta 11:8

Loko munhu a hanya malembe layo tala, a a ma tsakele hinkwawo, kambe a nga tshuki a rivala leswaku masiku ya khombo na wona ma ta andza! Eka hinkwaswo leswi humelelaka, ku hava lexi pfunaka.