Ntirho 14:1 - BIBELE Mahungu Lamanene

¹ “Vutomi bya munhu byi komile ngopfu, ku sukela evuhlangini, ú le ku xanisekeni.

Xitsonga (Bibele)

¹ “Munhu la velekiweke hi wansati U ni masiku ma nga ri mangani; u xurha makhombo;

Ntirho 14:1 Referans Kwoze

Ntirho 5:7

Munhu ú lo velekeriwa ku xaniseka, kukotisa nhlahle leyi fanelaka ku baleka ndzilweni.”

Eklesiasta 2:23

Masiku hinkwawo ú vona mahlomulo ntsena, mintirho ya yena yi n'wi vangela maxangu; hambiloko a etlele nivusiku, ú tsandzeka ku wisisa byongo. Na swona sweswo, a swi pfuni nchumu.

Ntirho 25:4

Emahlweni ka xona, ku hava la pfumalaka nandzu, munhu wa nyama a nge vi la tengeke eka xona.

Ntirho 7:1

“Laha misaveni, munhu ú rhwexiwa ntirho lowu a nga wu laviki, vutomi bya yena byi fana ni bya muthoriwa.

Genesa 47:9

Yakobo a hlamula hosi Faro a ku: “Sweswi swi endla malembe ya 130 ndzi ri karhi ndzi hanya hi ku tsendzeleka laha misaveni. Ndzi hanyile malembe matsongo, kambe ndzi vonile maxangu layo tala; malembe lawa a ma ringani ni lawa vatatana va hanyeke wona va ri karhi va tsendzeleka laha misaveni.”

Matewu 11:11

“Ndzi tiyisile ndzi ri ka n'wina: Exikarhi ka vanhu lava tswariweke hi vavasati, a ku humelelanga loyi a tlulaka Yohane Mukhuvuri; kasi la nga lontsongo eka hinkwavo eMfun'weni wa matilo i nkulukumba eka yena.

Pisalema 51:5

Hakunene, ndzi velekiwile eku hombolokeni, ni mana wa mina ú ndzi tswarile eku dyoheni.

Ntirho 15:14

Munhu wa nyama i ncini, leswaku a va la tengeke, la velekiweke hi wansati, a nga va la lulameke xana?

Ntirho 9:25

“Vutomi bya mina byi hatla byi hundza, byi nga vonanga minkateko, byi tsutsuma ku tlula masocha lama rhangelaka kalichi ya hosi;

Ntirho 7:6

Masiku ya mina ma tsutsuma kukota nereta ya murhungi, ngoti ya kona yi hatla yi hela.

Eklesiasta 2:17

Hiloko ndzi sungula ku venga vutomi hi byoxe, hikuva leswi humelelaka laha misaveni a swi ndzi nyiki ku rhula. Hakunene ku hava lexi pfunaka, ko va ku hlongorisa moya ntsena.

Pisalema 39:5

Vona! U ndzi pfumelela ku hanya masikunyana ntsena; emahlweni ka wena malembe ya mina a hi nchumu; hakunene munhu hambi o titwa a tiyile, i moyanyana ntsena.

Genesa 3:17

HOSI Xikwembu xi ku ka Adamu: “U pfumerile leswi nsati wa wena a ku byeleke swona, kutani u dya mihandzu ya murhi lowu ndzi ku leriseke ndzi ku: ‘U nga tshuki u yi dya.’ Hikokwalaho u vangele misava endzhukano, kutani swakudya leswi swi nga ta huma emisaveni, u ta swi kuma hi ku karhateka vutomi bya wena hinkwabyo.

Ntirho 10:20

Masiku ya mina ya ku hanya ma komile ngopfu; ndzi tshike u hambana na mina, ndzi ta wisanyana,

Pisalema 89:47

We N'wini wanga, ndzi anakanye, hikuva vutomi bya mina byi komile ngopfu; vanhu hinkwavo lava u va tumbuluxeke, a hi nchumu!

Yeremiya 20:18

Hikwalaho ka yini ndzi velekiwile, leswaku ndzi ta vona maxangu ni nhlomulo ntsena, ndzi tsongahatiwa vutomi bya mina hinkwabyo, xana?

2 TIHOSI 4:19

Kambe o tshuka a keta, a ku ka tata wa yena: “Yo! Nhloko ya minoo! Nhloko ya minoo!” Kavaloko tata wa yena a lerisa nandza a ku: “Tlakula n'wana, u n'wi yisa eka mana wa yena.”

Ntirho 8:9

hikuva hina vanhu va manguva lawa, a hi tivi nchumu, ku hanya ka hina laha misaveni i papanyana leri hundzaka.

Ntirho 25:5

Leswi n'weti wu nga hatimiki ku ringana, na tona tinyeleti ti nga basangiki emahlweni ka Xikwembu,

Pisalema 39:6

Vanhu va ya hala ni hala, wonge i mindzhuti, va tikarhatela swa hava, va tihlengeletela swilo, va nga tivi leswaku swi ta va swa mani.