Ntirho 13:4 - BIBELE Mahungu Lamanene

⁴ N'wina mo tlhandleka mavunwa ehenhla ka mavunwa, vun'anga bya n'wina hinkwenu i bya hava.

Xitsonga (Bibele)

⁴ Hikuva n'wina mi luka mavunwa, Mi tinanga leti nga pfuniki nchumu.

Ntirho 13:4 Referans Kwoze

Pisalema 119:69

Vasandzi va ndzi lumbeta, kasi mina ndzi hlayisa swiletelo swa wena hi mbilu ya mina hinkwayo;

Yeremiya 8:22

Xana le Giliyadi, mirhi yo tshungula ha yona a yi kona ke? Ni tin'anga a ta ha ri kona xana, leswi mbanga ya vanhu va ka hina yi alaka ku hola ke?

Yeremiya 6:14

Ntirho wa ku bohelela timbanga ta vanhu va mina va wu tekile wu ri lowutsongo, va ku: ‘Ku rhurile, ku rhurile!’ Kasi a ku na ku rhula.

Marka 5:26

a a xanisekile ngopfu emavokweni ya tin'anga leto tala; a a hetile xuma xa yena hinkwaxo, kambe a swi n'wi pfunanga nchumu, hikuva vuvabyi a byi ya byi kula.

Marka 2:17

Loko Yesu a twa sweswo, a ku ka vona: “Lava tsakeke emirini a va lavi n'anga, kambe yi laviwa hi lava vabyaka. A ndzi tanga ku ta vitana lava lulameke, kambe vona lava dyoheke.”

Hosiya 5:13

Va ka Efrayimi va vonile vuvabyi bya vona, na vona va ka Yuda va vona timbanga ta vona, kutani va ka Efrayimi va rhuma vanhu va ya eAsiriya, va ya kombela ku pfuniwa eka hosi leyikulu. Kambe hosi leyi a yi swi koti ku mi horisa, ni timbanga ta n'wina, a yi ti koti,

Ezekiele 34:4

A mi tikarhatelanga leto ka ti nga tiyanga, leti vabyaka a mi ti tshungulanga, a mi bohelelanga leti khwitaka, a mi vuyisanga leti hambukeke endleleni, leti lahlekeke a mi ti landzanga mi vuya na tona; mi fambisile ntlhambi wa kona hi voko ro tika ra tihanyi.

Yeremiya 46:11

Tlhandlukela le Giliyadi, we nhwana wa Egipta, u ya kuma murhi wo tola; mirhi leyo tala leyi u yi dyaka yi nge ku pfuni nchumu, u nga ka u nga holi!

Yeremiya 30:13

Ku hava loyi a tikarhatelaka wena, xilondza xa wena a xi boheleriwi hi munhu, hikokwalaho u nga ka u nga holi.

Yeremiya 23:32

Mina HOSI ndzi lwa ni lava tisaka milorho ya mavunwa, lava hambukisaka vanhu va mina hi ku jakatseka ka vona loku kanganyisaka. Vaprofeta lava, mina a ndzi va rhumanga, naswona a ndzi va lerisanga nchumu; leswi va swi dyondzisaka, a swi nga pfuni vanhu va mina nikutsongo. Ndzi vula sweswo mina HOSI.”

Ntirho 16:2

“Marito lawa mi ndzi byelaka wona, ndzi ma twile khale, hinkwenu a mi vachaveleri va nchumu!

Ntirho 6:21

N'wina mi fana ni swinambyana sweswo; mi vonile ku xaniseka ka mina, kambe sweswi mi tlhelela ndzhaku.

Eksoda 20:16

“U nga tshuki u lumbeta munhu-kuloni hi vumbhoni byo hemba.

Nehemiya 6:8

Kutani ndzi rhuma munhu a ya fika a ku: “Swilo leswi u swi vulaka, a swi kona, swo huma enhlokweni ya wena ntsena.”

Ntirho 6:15

Vanghana va mina va ndzi kanganyisile ku fana ni nambu lowu phyeke, kukota swinambyana leswi khulukaka enkarhini wa timpfula ntsena.

Ntirho 6:20

kambe loko vanhu lava va fika eminkoveni ya kona, va yi kuma yi nga ri na nchumu.

Ntirho 27:12

N'wina hinkwenu, leswi humeleleke mi swi vonile, hikwalaho ka yini mi tikanganyisa hi swilo swa hava, xana?”