Ntirho 13:14 - BIBELE Mahungu Lamanene

¹⁴ Hikokwalaho ndzi tilulamiserile ku fa, ku hlayisa vutomi bya mina a ndza ha swi lavi.

Xitsonga (Bibele)

¹⁴ Swi pfuna yini hambi ndzi nga khoma nyama ya mina hi meno ya mina, Ndzi fumbarhela moya wa mina hi voko ra mina.

Ntirho 13:14 Referans Kwoze

Vaavanyisi 12:3

Kuteloko ndzi vona leswaku n'wina a mi lavi ku ndzi lamulela, ndzi humile ndzi ya lwa ni Vaamoni, ndzi nga chavi ku fa, kutani HOSI Xikwembu xi va nyiketa emavokweni ya mina; xana i ncini lexi namuntlha xi mi tisaka mi ta ndzi lwisa, xana?”

Pisalema 119:109

Minkarhi hinkwayo ndzi le kusuhi ni ku dlawa, kambe a ndzi rivali nawu wa wena.

Eklesiasta 4:5

Xiphunta xi khondla mavoko, kambe xi le ku tisungeni!

Ntirho 18:4

Hi ku hlundzuka ka wena loku, u tivangela ku vaviseka. Xana misava yi fanele ku onhiwa, kumbe maribye ma fanele ku yimburiwa ku tsakisa wena ke?

1 SAMIELE 28:21

Wansati a ta ka Sawulo, kutani loko a vona hilaha a tshukisiweke hakona, a ku ka yena: “Vona, mina nandza wa wena ndzi ku endlerile leswi u swi kombeleke, ndzi nga chavi ku fa. Ndzi yingisile ni leswi u ndzi leriseke swona.

1 SAMIELE 19:5

A nga chavanga ku fa, siku a dlayeke Mufilista, kutani hi siku rero HOSI Xikwembu xi ponisile Vaisraele hinkwavo hi ndlela yo hlamarisa. Loko u vonile leswi, swi ku tsakisile. Hikwalaho ka yini u lava ku dlaya Davhida xana? Wa hoxa! Munhu loyi a nga na nandzu, u ta va u halata ngati ya yena mahala.”

Esaya 49:26

Lava va mi xanisaka, ndzi ta endla leswaku va dlayana hi xivona, va dakwa hi ngati ya va ka vona wonge hi loko yi ri vhinyo, kutani vanhu hinkwavo va ta swi tiva leswaku mina HOSI, ndzi muponisi wa n'wina, ni leswaku ndzi mukutsuri wa n'wina, ndzi ntamu wa va ka Yakobo.”

Esaya 9:20

va lava swakudya matlhelo hinkwawo, kambe a va kumi xo va xurhisa, kutani un'wana ni un'wana ú dya munhu-kulobye.