Ntirho 13:11 - BIBELE Mahungu Lamanene

¹¹ Vukulukumba bya xona byi ta mi chavisa, mi ta rhurhumela emahlweni ka xona.

Xitsonga (Bibele)

¹¹ Xana vukulu bya xona byi nga ka byi nga mi tateli ku chava? Ni nchavo wa xona wu nga ka wu nga mi khomi xana?

Ntirho 13:11 Referans Kwoze

Pisalema 119:120

Ndza rhurhumela emahlweni ka wena hikuva ndza ku chava, ndzi chava ni leswi u swi boheke.

Ntirho 31:23

Hakunene ndzi chava ngopfu ku biwa hi Xikwembu, emahlweni ka vukulu bya xona, ndzi nge yimi.

Matewu 10:28

“Mi nga tshuki mi chava lava dlayaka miri, va ri hava matimba yo dlaya moya; kambe chavani loyi a nga ni matimba yo lovisa moya ni miri wa munhu eTiheleni.

Yeremiya 10:10

Kasi HOSI yona, hi yona yi nga Xikwembu xa ntiyiso; i Xikwembu lexi hanyaka, lexi fumaka hilaha ku nga heriki. Vukari bya xona byi tsekatsekisa misava, loko xi hlundzukile, vamatiko va nge swi tiyiseli.

Yeremiya 5:22

Mina HOSI ndzi ri, hikwalaho ka yini mi nga ndzi chavi, hikwalaho ka yini mi nga rhurhumeli emahlweni ka mina xana? Mati ya lwandle ndzi ma bele ndzilekana hi sava rinene, a ma nga wu tluli ni siku ni rin'we; hambiloko magandlati ma nga tlakuka, kumbe lwandle ri pfuma, ndzilekana wolowo wu nge tluriwi.

Esaya 8:13

Tiva leswaku mina HOSI ya matimba hinkwawo, ndzi kwetsimile; kutani u fanele ku chava mina, u rhurhumela emahlweni ka mina ntsena.

Ntirho 13:21

Swona hi leswi: Tshika ku ndzi ba, naswona u nga ha ndzi chavisi.

Eksoda 15:16

Va weriwile hi ku chava ni gome, hikwalaho ka matimba ya voko ra wena, va yimile va nga ha tshukatshuki, ku kondza loko vanhu va wena va hundza, we HOSI, ina, vanhu va wena lava u nga tikumela vona va ko va hundza.

Ntirho 13:12

Swivuriso leswi mi swi tirhisaka a swi pfuni nchumu, makhokholo ya n'wina i ndzhope ntsena!