Ntirho 12:4 - BIBELE Mahungu Lamanene

⁴ Khale a ndzi khongela Xikwembu, kutani xi ndzi hlamula; kambe sweswi ndzi hundzuke xihlekiso eka vanakulorhi, mina munhu wo lulama wo pfumala nandzu, ndza hlekuriwa.

Xitsonga (Bibele)

⁴ Ndzi hundzukile mahleko eka vanakulorhi, Loko ndzi kombela ku pfuniwa hi Xikwembu; Ingi la lulameke, la pfumalaka nandzu, i mahleko!

Ntirho 12:4 Referans Kwoze

Pisalema 91:15

Loko a ndzi vitana, ndzi ta n'wi hlamula, ndzi ta va na yena emaxangwini, ndzi n'wi lamulela ndzi n'wi nyika ni ndzhuti.

Ntirho 30:1

“Namuntlha ndzi hlekuriwa hi vanhu lava nga vatsongo eka mina. Vatata wa vona a va ri swikamba, va tluriwa hi timbyana leti risaka swifuwo swa mina.

Ntirho 21:3

Ndzi lehiseleni mbilu, ndza ha ri na rito; loko ndzi hetile, mi nga ha ya emahlweni mi ndzi hlekula!

Ntirho 17:6

“Ndzi hundzuriwe xihlambanyiso emahlweni ka vanhu, va ndzi tshwutela marha exikandzeni.

Ntirho 17:2

Ndzi lo rhendzeriwa hi vasandzi, mindzhukano ya vona yi ndzi pfumata vurhongo.

Ntirho 16:10

Vanhu va ndzi monya, va ndzi lumbeta, va hlengeletana, va ndzi makala.

Vaheveru 11:36

Van'wana va xanisiwile hi ku hlekuriwa ni ku biwa, hambi ku ri ku bohiwa hi tinketani, va hoxiwa ekhotsweni.

Timhaka 17:32

Loko va twa ta ku pfuka ka vafi, van'wana va hleka, kambe van'wana va ku: “Ha ha ta ku twa nakambe emhakeni leyi.”

Luka 16:14

Vafarisi, va nga vanhu va makwanga ni mali, a va twa timhaka teto hinkwato, kutani va n'wi sola.

Marka 5:40

Kutani va n'wi hleka, kambe Yesu a va humesela handle hinkwavo, a teka tata wa nhwanyana ni mana wa yena, ni vadyondzisiwa lavanharhu, a nghena laha nhwanyana a a latiwile kona.

Matewu 27:29

kutani va luka harhi ya mitwa, va n'wi tlhandleka enhlokweni, va n'wi tamerisa nhonga evokweni ra xinene; kutani va nkhinsama hi matsolo emahlweni ka yena, va n'wi tseketsela, va ku: “Xewani, Hosi ya Vayuda!”

Mikiya 7:7

Kambe loko ndzi ri mina, ndzi ta languta eka HOSI Xikwembu, ndzi ta titshembela xona muponisi wanga, Xikwembu xa mina xi ta ndzi hlamula.

Yeremiya 33:3

‘Ndzi huweleleni, kutani ndzi ta mi hlamula, ndzi mi komba swilo leswikulu leswi tumbeleke, leswi ni ku swi tiva mi nga swi tiviki.

Swivuriso 14:2

Loyi a nga ni mahanyelo lamanene, ú chava HOSI Xikwembu, kambe loyi a nga ni mikhuva yo gombonyoka, wa xi sandza.

Pisalema 35:16

Vanhu lava vo homboloka, va ndzi hlekula wonge ndzo va ni malunda, va ndzi mpfhumpfhela!

Ntirho 16:20

Vanghana va mina va ndzi hlekula, kutani ndzi rila ndzi langutile eka Xikwembu.

Ntirho 11:3

Ku phyaphyarha ka wena ku nga miyeta vanhu ke? Loko u sola Xikwembu, a wu nga tshinyiwi xana?

Ntirho 6:29

Tivoneleni, mi nga ndzi dyoheli, ndzi ri, tivoneleni, nandzu mina ndzi hava!

Matewu 9:24

a ku ka vona: “Sukani, hikuva wanhwanyana a nga fanga, ú lo etlela.” Kutani va n'wi hleka.

Ntirho 9:21

Hakunene, nandzu ndzi hava, mina no wu tiva a ndzi wu tivi, ndzi karhele hi vutomi!

Ntirho 12:5

Vanhu lava tsakeke va ri, ku xaniseka i xisolo, kutani va ba munhu loyi a nga kusuhi ni ku wa.

Ntirho 13:18

Ndzi tiyimiserile ku hlamusela mhaka ya mina; ndza swi tiva leswaku ndzi ta khana.

Ntirho 30:9

“Namuntlha va ndzi hlekula hi tinsimu, ndzi hundzukile xihlambanyiso eka vona.

Ntirho 34:7

Ku hava wanuna wo kota Yobo: Ú fundza mindzhukano enon'weni, onge yo va mati.

Yeremiya 20:7

We HOSI, u ndzi xisile, na mina ndzi pfumerile ku xisiwa; wa ndzi tlula hi matimba, kutani u ndzi kotile. Ndzi hundzuka xihlekiso masiku hinkwawo, vanhu hinkwavo va ndzi hlekula.