Ntirho 12:25 - BIBELE Mahungu Lamanene

²⁵ va gugurhuteka exinyamini, va nga voningi hi nchumu, xi va dedelekisa kukota swidakwa.”

Xitsonga (Bibele)

²⁵ Va hulumeta emunyameni, ku nga ri na ku vonakala; Xi va dedelekisa kukota vanhu lava phyophyiweke.

Ntirho 12:25 Referans Kwoze

Ntirho 5:14

Dyambu ri va pelela ka ha ri nhlekanhi, va gugurhuteka onge i vusiku.

Pisalema 107:27

va rhurhumela, va dedeleka kukota swidakwa, vutlharinyana bya vona byi nga ha pfuni nchumu.

Esaya 24:20

Yi ta dedeleka ku fana ni xidakwa, yi voyama-voyama kukota dladla. Swidyoho swa yona swa yi tikela, yi ta wa, yi nga ha pfuki.

Esaya 19:14

HOSI Xikwembu xi pfilunganyisile miehleketo ya vona, xi tsekatsekisa tiko, a ra ha humeleli; ri dedeleka ku fana ni xidakwa lexi rhetisaka hi mahlanta ya xona.

1 Yohane 2:11

Kambe loyi a vengaka makwavo, ú le munyameni, naswona ú famba emunyameni, a nga tivi lomu a yaka kona, hikuva munyama wu n'wi dlaye mahlo.

Timhaka 13:11

Vona sweswi, voko ra Hosi ri le henhla ka wena, u ta fa mahlo, u heta masiku u nga ha voni nchumu.” Hi nomu lo, mungoma a tela hi riphume ni munyama, kutani a gugurhuteka, a lava vanhu lava va nga n'wi fambisaka hi voko.

Esaya 59:10

Loko hi lava khumbi, ho ambambela kunene, hi gugurhuteka ku fana ni munhu wo fe mahlo; hambi wu ri nhlekanhi, hi khuguka hi wa wonge hi loko ri perile; exikarhi ka vanhu va matimba ho va masirha ya le handle.

Duteronoma 28:29

Mi ta gugurhuteka ninhlekanhi; mi nga ka mi nga humeleli eka leswi mi nga ta swi endla. Minkarhi hinkwayo mi ta va eku xanisiweni, va mi tekela swa n'wina, ku pfumaleka ni munhu wo mi pfuna.

Genesa 19:11

Kavaloko va endla leswaku vavanuna lava a va ri enyangweni hinkwavo, lavakulu ni lavatsongo, va biwa hi riphume, kutani va gugurhuteka va lava nyangwa va kondza va karhala.

Ntirho 18:6

Entsongeni wa yena ku ni xinyami, rivoni ra yena a ra ha pfurhi.