Ntirho 12:23 - BIBELE Mahungu Lamanene

²³ Xi kurisa matiko, xi tlhela xi ma lovisa, xi hlengeleta vamatiko, xi tlhela xi va hangalasa.

Xitsonga (Bibele)

²³ Xi andzisa matiko, kutani xi ma lovisa; Xi navisa matiko, xi tlhela xi ma vuyisela emindzilekaneni ya wona.

Ntirho 12:23 Referans Kwoze

Esaya 26:15

Kambe we HOSI, u engetelerile vanhu va Israele, u va engetelerile va tala, hikokwalaho, va ku dzunisa; tlhandlakambirhi, u tlhengusile mindzilekana, u kurisa tiko ra vona.

Esaya 9:3

We HOSI, u andzisile ntsako wa vona, u wu kurisa, va tsaka emahlweni ka wena va ba minkulungwana, wonge va le ku tshoveleni, kumbe eku avelaneni ka leswi va swi phangheke;

Esaya 60:22

Mindyangu leyitsongo yi ta kula swinene, yi va ni vanhu va magidi-gidi. Loko nkarhi wu ta va wu fikile, ndzi ta endla leswaku swilo leswi swi hatla swi humelela. Hi mina HOSI!”

Pisalema 107:38

va andza swinene, hikuva Xikwembu xi va katekisile, xi va andzisela na swifuwo.

Zakariya 10:8

“Ndzi ta ba khwela ndzi va hlengeleta, hikuva ndzi va kutsurile, kutani va ta tala ku fana ni khale.

Yeremiya 33:22

Ndzi ta andzisa vatukulu va Davhida nandza wa mina, ndzi andzisa ni vaprista va ka Levhi lava va ndzi tirhelaka, va ta tala kukota tinyeleti kumbe sava ra lwandle: A va nga hlayeki.”

Yeremiya 30:19

Exikarhi ka vaaki va Yerusalema ku ta twala tinsimu to nkhensa, ni huwa ya lava nga minkhubyeni. Ndzi ta va andzisa, va tala swinene, ndzi ta va tlakusa, kutani a va nga ha tsongahatiwi.

Esaya 51:2

Tsundzukani Abrahama tata wa n'wina, na Sara loyi a mi kombeke misava. Abrahama, ndzi n'wi vitanile a nga si va na n'wana na un'we, kambe ndzi n'wi katekisile, a kuma vana ni vatukulu lavo tala.

Esaya 27:6

Eminkarhini leyi taka, va ka Yakobo va ta va ni timitsu, Vaisraele va ta hluka, va phaka marhavi; misava hinkwayo yi ta tala hi mihandzu ya vona.

Eksoda 1:20

Hikokwalaho Xikwembu xi katekisa tisungukati; Vaisraele vona va ya va andza, matimba ya vona ma engeteleka ngopfu.

Eksoda 1:7

Kambe vanhu va rixaka ra Israele va tswalelene va andza, ntsengo wa vona wu ya wu kula, matimba ya vona ma engeteleka ngopfu swinene, kutani va tata tiko hinkwaro.

Timhaka 17:26

Hi munhu un'we xi endlile vanhu van'wana hinkwavo leswaku va eneta misava hinkwayo; xi va vekele tinguva leti xi ti hlawuleke khale, xi veka ni mindzilekana ya lomu va fanelaka ku tshama kona.

Pisalema 107:39

Kambe loko nhlayo ya vona yi hungutiwa, loko va tsongahatiwa, ni loko va kombiwa maxangu ni makhombo ni mahlomulo,