Ntirho 12:22 - BIBELE Mahungu Lamanene

²² Xi paluxa leswi nga ndzeni ka swidziva leswikulu, laha a ku ri ni xinyami xo chavisa, xi tisa ku vonakala.

Xitsonga (Bibele)

²² Xi boxa makungu lama fihliweke emunyameni, Xi humesa ndzhuti wa rifu eku vonakaleni,

Ntirho 12:22 Referans Kwoze

Daniele 2:22

xi paluxa swilo hinkwaswo leswi nga xihundleni; hi xona xi tivaka leswi nga xinyamini, hikuva laha xi nga kona, ku lo nghéé!

1 Vakorinto 4:5

Hikokwalaho mi nga avanyiseli nchumu makumu, nkarhi wu nga si fika. Yimelani Hosi yi ko yi vuya; hi yona leyi nga ta humesela erivaleni swilo swa munyama leswi fihliweke, ni ku paluxa makungu ya timbilu ta vanhu; kutani hi kona un'wana ni un'wana a nga ta kuma ku dzunisiwa ka yena loku humaka eka Xikwembu.

1 Vakorinto 2:10

Kambe Xikwembu xi hi pfuletele swilo leswi hi Moya; hikuva Moya wu lavisisa hinkwaswo, hambi swi ri swihundla leswi enteke swa Xikwembu.

Ntirho 3:5

Siku ra kona a ri funengetiwe hi xinyami xo khwìxìì, ri khubumetiwa hi papa ra ntima, vanhu va ri chava, va gugurhuteka.

Luka 1:79

ku ta voninga lava nga tshama emunyameni ni le ndzhutini wa rifu, ni ku hi fambisa etindleleni ta ku rhula.”

Amosi 5:8

Loyi a vumbeke Xirimela na Mahlahle, a hundzula xinyami xi va ku vonakala ka mixo, a tlhela a hundzula nhlekanhi wu va vusiku, loyi a vitanaka mati ya lwandle a ma humesa, a cheleta misava ha wona, vito ra yena i HOSI.

Matewu 10:26

“Hikokwalaho mi nga tshuki mi chava vanhu, hikuva a ku na xilo lexi funengetiweke lexi nga ta ka xi nga fununguriwi, ni xilo xa xihundla lexi nga ta ka xi nga tiviwi.

Ntirho 34:22

Ku hava munyama, hambi wu ri wo chavisa, lowu vadyohi va nga tumbelaka eka wona.

Pisalema 139:12

xinyami xa kona xi ta nyamalala emahlweni ka wena, ni vusiku bya kona byi ta vangama kukota nhlekanhi. Eka wena, xinyami kumbe ku vonakala swa fana.

Pisalema 44:21

xana a wu nga ta swi tiva xana, leswi u tivaka swihundla swa le mbilwini ya munhu?

Ntirho 24:17

Munyama wo chavisa, hinkwavo va wu vula ‘nhlekanhi’, exinyamini xo khwìxìì va titwa va tshamisekile.

Ntirho 11:6

a xi ta ku komba swihundla swa vutlhari, hikuva ku twisisa ka xona ka hlamarisa; naswona tiva leswaku Xikwembu a xi ku banga hi ku ya hi vukulu bya swidyoho swa wena.

2 TIHOSI 6:12

Un'wana wa vakulukumba a hlamula a ku: “Ina, hosi n'wini wanga; munhu wa kona i Elixa, muprofeta wa Vaisraele: Ú tivisa hosi ya Israele hambi swi ri leswi u swi vulaka u ri xihundleni, endlwini ya wena.”

Pisalema 139:11

Hambiloko ndzi kombela xinyami ku ndzi funengeta, ni ku vonakala leswaku ku hundzuka vusiku byi ndzi fihla,