Ntirho 12:19 - BIBELE Mahungu Lamanene

¹⁹ Vaprista xi va tekela vutlhari, lavo chaviseka xa va tsongahata.

Xitsonga (Bibele)

¹⁹ Xi yisa vaprista ekhotsweni, Xi wisa ehansi lava matimba.

Ntirho 12:19 Referans Kwoze

Nhlavutelo 17:14

Ti ta lwa ni Xinyimpfana, kambe Xinyimpfana xi ta ti hlula, hikuva i Hosi ya tihosi, ni Mufumi wa vafumi; ni malandza ya xona lama vitaniweke, lama hlawuriweke ni lama tshembekaka, xi ta ma nyika ku hlula.”

Esaya 45:1

HOSI Xikwembu xi vurisa sweswo hi tlhelo ra Korexe, xi ri xi n'wi hlawurile, xi n'wi khoma hi voko, leswaku xi ta n'wi hlurisa matiko, a tekela tihosi matlhari ya tona; xi ta n'wi pfulela timbanti ta miti, leswaku tinyangwa ti tshama ti pfulekile.

Ntirho 35:9

“Lava xanisekaka ngopfu, va huwelela, va rila loko vafumi va va tshikelela.

Ntirho 34:28

Swisiwana leswi va swi xaniseke swi huwelerile, Xikwembu xi twile xirilo xa lava tsongahatiweke.

Ntirho 24:22

Kambe hi matimba ya xona, Xikwembu xi hlongola lava tiyeke; loko xi pfuka, a va ha tshembi ku hanya.

Yoxuwa 10:42

Yoxuwa ú kotile ku teka matiko lawa hinkwawo ni tihosi ta wona hi nkarhi wun'we hikuva HOSI Xikwembu xa Israele a xi lwela Vaisraele.

Yoxuwa 10:24

Loko va yisile tihosi leti eka Yoxuwa, yena a vitana vavanuna va Israele hinkwavo, kutani a byela varhangeri va masocha lawa a a fambile na wona a ku: “Tshinelani ekusuhi mi kandziya tihosi leti etinhan'wini.” Hiloko va tshinela kusuhi va kandziya tihosi etinhan'wini.

Ntirho 19:9

Xi ndzi susele ndzhuti, xi ndzi tekela ni ku xiximeka.

Ntirho 21:7

“Hikwalaho ka yini lavo homboloka va hanya, va tshama va tiyile va ko va dyuhala ke?

Ntirho 22:8

Munhu la fumeke, u n'wi nyike ndhawu, u tshamisisa eka yona loyi u n'wi tsakelaka.

Ntirho 34:20

Hi ku copeta ka tihlo, va timeka nivusiku, tiko ra vona ri va hundzukela, va tsutsuma; lava fumaka hi tihanyi, Xikwembu xi va susa hi xoxe.

Ntirho 34:24

Lava matimba, xi va herisa xi nga tsundzuxiwanga hi munhu, xi veka van'wana, va sala va fuma.

Esaya 40:23

Varhangeri va matiko, wa va tsongahata, va nga ha vi nchumu, tihosi, ú ti hundzula swilo leswi nga ha pfuniki nchumu.