Ntirho 12:17 - BIBELE Mahungu Lamanene

¹⁷ Tindhuna xi ti tekela vutlhari, vaavanyisi xi va hundzula xihlekiso.

Xitsonga (Bibele)

¹⁷ Xi yisa valerisi ekhotsweni, va ri lava phangiweke, Xi hungukisa vaavanyisi,

Ntirho 12:17 Referans Kwoze

Esaya 29:14

Hikokwalaho, vanhu lava ndzi ta tlhela ndzi va hlamarisa, va ta hlamala ku tlula mpimo; vutlhari bya tintlhari ta vona byi ta nyamalala, lavo twisisa exikarhi ka vona, va ta lahlekeriwa hi ku twisisa ka vona.”

2 SAMIELE 17:23

Loko Ahitofele a vonile leswaku switsundzuxo swa yena a swi amukeriwanga, a bohelela xitshamu embhongolweni a gada, a ya ekaya karikwavo; a fika a lulamisa swa ndyangu wa yena hinkwaswo, kutani a tihinga, a fa; va ya n'wi lahla emasirheni ya vatata wa yena.

Ntirho 9:24

Xikwembu xi nyiketile misava emavokweni ya lavo homboloka, vaavanyisi va timhaka ehubyeni, xi va sive mahlo. Loko ku nga ri xona xi endlaka sweswo, ku ta va ku ri mani xana?

Ntirho 3:14

ndzi ri ni tihosi ni vafumi va matiko, lava va tiakeleke masirha ya vona.

2 SAMIELE 17:14

Kutani Abixalomu ni vavanuna va Israele hinkwavo va ku: “Switsundzuxo swa Huxayi swi twala ku tlula swa Ahitofele.” Mhaka hi leswaku HOSI Xikwembu a xi bohile leswaku switsundzuxo leswi twalaka swa Ahitofele, swi kanetiwa, xi ta kota ku vangela Abixalomu ekhombo.

2 SAMIELE 15:31

Hosi Davhida a twa leswaku Ahitofele ú le xikarhi ka ntlawa wa Abixalomu lowu hlungaka vuhosi, kutani a khongela HOSI Xikwembu, a ku: “We HOSI, endla leswaku switsundzuxo leswi nga ta huma eka Ahitofele, swi hundzuka swa hava.”

Ntirho 19:9

Xi ndzi susele ndzhuti, xi ndzi tekela ni ku xiximeka.

Daniele 9:12

We HOSI, u hetisisile marito ya wena lawa u nga ma vula ehenhla ka hina ni le henhla ka lava va hi fambisaka, kutani u hi tisele ku xaniseka lokukulu ngopfu. Mhaka yo fana ni leyi yi humeleleke emutini wa Yerusalema, a yi si tshama yi va kona laha misaveni.