Ntirho 12:15 - BIBELE Mahungu Lamanene

¹⁵ Loko xi yimisa mpfula, milambu ya phya; loko xi nisa ndhambi, misava ya onhaka.

Xitsonga (Bibele)

¹⁵ Waswivo xi sivela mati, kutani ma phya, Xi tlhela xi ma tshika, kutani misava yi onhaka.

Ntirho 12:15 Referans Kwoze

1 TIHOSI 17:1

Eliya wa le Tixibe, un'wana wa vaaki va tiko ra Giliyadi, a ku ka Akabu: “Ndza tiyisa emahlweni ka HOSI Xikwembu xa Israele lexi hanyaka, lexi ndzi xi tirhelaka, ndzi ri: Malembe lawa, mpfula ni mberha swi nga ka swi nga vi kona, loko ndzi nga si vula nchumu.”

Nhlavutelo 11:6

Va ni matimba yo pfala tilo leswaku mpfula yi nga ni, loko va ri karhi va vula Rito. Naswona va ni matimba yo hundzula mati hinkwawo ma endla ngati; va nyikiwile ni matimba ya ku ba misava hi mintungu ya tinxaka-xaka, nkarhi wihi na wihi loko va swi lava.

Luka 4:25

Ndzi tiyisa mhaka leyi ndzi ri: Vavasati lavo tala va tinoni a va ri kona etikweni ra Israele eminkarhini ya Eliya, loko tilo ri pfariwa hi malembe manharhu ni tin'hweti ta 6, kutani ndlala leyikulu yi va kona etikweni hinkwaro;

Nahume 1:4

Yi tshinya lwandle, kutani ri phya, yi omisa milambu hinkwayo; swimila swa Baxani ni swa Karmele swa vuna, swiluva swa Lebanoni swa dzudzeka.

Amosi 5:8

Loyi a vumbeke Xirimela na Mahlahle, a hundzula xinyami xi va ku vonakala ka mixo, a tlhela a hundzula nhlekanhi wu va vusiku, loyi a vitanaka mati ya lwandle a ma humesa, a cheleta misava ha wona, vito ra yena i HOSI.

Yeremiya 14:22

Xana swikwembu swa vamatiko swi tshama swi nisa mpfula ke, kumbe matilo ma nga wisa mberha ha woxe xana? E-e! Munyiki wa swona hi wena ntsena, wena HOSI Xikwembu xa hina; hi tshemba wena ntsena, hikuva swilo leswi hinkwaswo swi endliwe hi wena.

Ntirho 12:10

Hi xona xi hlayisaka vutomi bya leswi hanyaka hinkwaswo, munhu un'wana ni un'wana ú hanyisiwa hi xona.

Genesa 7:11

Elembeni leri Nowa a veke ni malembe ya 600 ha rona, hi siku ra vu-17 ra n'hweti ya vumbirhi, swidziva hinkwaswo swa mati swi khapa, ni tinyangwa ta mati ya le tilweni ti pfuleka.

Genesa 6:17

Sweswi ndzi lava ku rhumela ndhambi ya mati, yi ta herisa swivumbiwa hinkwaswo leswi hanyaka emisaveni. Swilo hinkwaswo leswi nga laha misaveni swi ta fa.

Genesa 6:13

Kutani Xikwembu xi ku ka Nowa: “Ndzi ni makungu ya ku herisa vanhu hinkwavo, hikuva misava yi tele tihanyi hikwalaho ka vona. Kutani ndzi ta va herisa swin'we ni misava.

Duteronoma 11:17

hikuva HOSI Xikwembu xi nga mi karihela, xi pfala matilo, mpfula yi nga ha ni, misava yi nga ha mirisi nchumu, kutani n'wina mi hatla mi herisiwa, etikweni lero saseka leri HOSI Xikwembu xi mi nyikaka rona.

Genesa 8:1

Kutani Xikwembu xi tsundzuka Nowa ni swiharhi hinkwaswo ni swifuwo hinkwaswo leswi a a ri na swona engalaveni; hiloko xi hungisa moya emisaveni, kutani mati ma sungula ku hunguteka.

Ntirho 28:25

Loko xi hungisa moya hi matimba, ni loko xi pima vukulu bya lwandle,

1 TIHOSI 17:7

Endzhaku ka masiku, xinambyana xi phya, hikuva mpfula a yi nga ha ni etikweni.