Ntirho 12:14 - BIBELE Mahungu Lamanene

¹⁴ “Leswi Xikwembu xi swi wiseke, swi nge pfuxiwi hi munhu; munhu loyi xi nga n'wi pfalela ekhotsweni, a nge pfuleriwi hi un'wana.

Xitsonga (Bibele)

¹⁴ Vona, loko xi onha, a ku na la nga vuyetelaka, Loko xi pfalela munhu, a ku na la nga n'wi pfulelaka.

Ntirho 12:14 Referans Kwoze

Nhlavutelo 3:7

“Tsalela ni ntsumi ya kereke ya le Filadelfiya, u ku: “ ‘Loyi a kwetsimeke, la nga wa ntiyiso, la tameleke xilotlelo xa Davhida, la pfalulaka ku ri hava loyi a nga ta pfala, la pfalaka ku ri hava loyi a pfalulaka, ú vula sweswo ú ri:

Esaya 22:22

Ndzi ta n'wi tamerisa ni swilotlelo swa mfumo wa ka Davhida; loko yena a pfula, ku hava loyi a nga ta pfala, ni loko a pfarile, ku hava loyi a nga ta pfula.

Malakiya 1:4

Va le Edomu va nga vula va ku: ‘Hambileswi miti ya hina yi wisiweke ku sala marhumbi, hi ta tlhela hi yi pfuxa!’ Kambe mina HOSI ya matimba hinkwawo, ndzi vurisa sweswo ndzi ri: Hambiloko va nga pfuxa miti ya vona, mina HOSI ndzi ta yi mbundzumuxa, va ta kala va vuriwa ‘tiko-ro-biha’, kumbe ‘vanhu lava HOSI yi va hlundzukeleke hilaha ku nga heriki’!

Yeremiya 51:58

Rirhangu lero anama ra muti wa Babilona ri ta mbundzumuxeriwa makumu, ni tinyangwa ta wona leti tlakukeke, ti ta tshwa ti hela. Vamatiko va ta va va tirhele mahala, va tikarhatela ntsena leswi tshweke! Ndzi vula sweswo, mina HOSI ya matimba hinkwawo.”

Ntirho 37:7

xi endlela ku komba mintirho ya xona eka vanhu hinkwavo. Emasin'wini, a ka ha yi na un'we,

Ntirho 19:10

Xi le ku ndzi fayeni ku fana ni khumbi ndzi ko ndzi hela, xi tsuvula ku tshemba ka mina tanihi murhi.

Ntirho 16:11

Xikwembu xi ndzi nyiketile eka vanhu va tihanyi, xi ndzi tshikile emavokweni ya lavo homboloka.

Ntirho 11:10

Loko Xikwembu xi hundza xi khoma munhu, xi n'wi yisa ehubyeni, xi nga siveriwa hi mani xana?

1 SAMIELE 26:8

Kutani Abixayi a ku ka Davhida: “Namuntlha, HOSI Xikwembu xi nyiketile nala wa wena emavokweni ya wena. Ndzi tshike ndzi n'wi tlhava kan'we hi tlhari, ndzi n'wi katsa na misava. Ndzi nge kali ndzi n'wi tlhava kambirhi!”

1 SAMIELE 17:46

Namuntlha HOSI Xikwembu xi ta ku nyiketa emavokweni ya mina. Ndzi ta ku ba, u wela hansi, kutani ndzi ta tsema nhloko ya wena. Namuntlha ndzi ta nyiketa mintsumbu ya mavuthu ya Vafilista eka makoti ni swivandzana. Hikona misava hinkwayo yi nga ta tiva leswaku, etikweni ra Israele, Xikwembu xi kona!

Varhoma 11:32

Hikuva Xikwembu xi endlile leswaku vanhu hinkwavo va tsandzeka ku yingisa, leswaku xi ta kota ku va tsetselela hinkwavo.

Yeremiya 51:64

kutani u ta ku: ‘Muti wa Babilona wu ta mbombomerisa sweswo, a wu nga ha tlheli wu vonaka, hikuva HOSI Xikwembu xi ta va xi wu vangerile maxangu, [kutani vamatiko va ta va va tikarhetele mahala!’ ”] Marito ya Yeremiya ma hela kwala.

Esaya 25:2

Muti wa vanhu vambe, u wu hundzurile nhulu ya maribye, rirhangu ra wona ri hundzuke rhumbi, makhokholo ya wona ma wile, ma nga ka ma nga ha pfuxiwi.

Esaya 14:23

Muti wa Babilona, ndzi ta wu endla kaya ra swihloni. Wu ta hundzuka ndhawu ya nhlangasi. Ndzi ta wu kukula ndzi ya wu chela kule. Ndzi vurisa sweswo, mina HOSI ya matimba hinkwawo.”

1 SAMIELE 24:18

Namuntlha u kombisile vunene lebyi a wu ndzi tirhela ha byona, hikuva hambileswi HOSI Xikwembu a xi ndzi nyiketile emavokweni ya wena, a wu ndzi dlayanga.

Ezekiele 26:14

Ndzi ta ku hundzula tambha ra ribye, ndhawu leyi vaphasi va tinhlampfi va anekelaka eka yona tinkoka ta vona; kutani a wu nga ha tlheli u akiwa hi vuntshwa. Hi swona leswi ndzi vulaka swona, mina HOSI N'wini wa hinkwaswo!”

Genesa 7:16

Swivumbiwa hinkwaswo swa xinuna ni swa xisati leswi ngheneke engalaveni, swi nghenile hilaha Xikwembu xi leriseke Nowa hakona. Kutani HOSI Xikwembu xi pfalela Nowa engalaveni.

Eklesiasta 7:13

Xiyaxiya matirhele ya Xikwembu: Swilo leswi xi swi endleke swi ri leswo gombonyoka, swi nge ololoxiwi hi munhu!